漁港艇仔粉 (鴨脷洲大街) (已搬遷) 新店位置

行完鴨脷排落返山，消耗咗好多體力勁肚餓，於是急不及待去咗鴨脷洲大街搵好嘢食醫肚。✨招牌艇仔粉一碗有好多餸，有魚蛋、燒鴨、叉燒同埋紅腸等等，非常豐富。艇仔粉粉量都幾多，粉條夠滑，唔會煮到腍哂，味道不過不失。艇仔粉嘅湯底奶白色的飲落好清，帶有淡淡魚鮮，飲完都唔覺有味精味。✨招牌炸物拼盤炸物份量比想像中少，每種只有兩件。雲吞炸得幾香脆，炸魚片頭同其他丸類就一般般，外皮已經腍左唔脆。旁邊有泰式酸辣醬可以點來食，味道無咁寡。