船長意法日餐廳 (已結業)

今日同朋友喺元朗千色廣場搵嘢食，經過見到一間餐廳用船做主題，仲有唔同國家嘅嘢食，於是入去試下。 我哋首先叫做個胡麻豆腐沙律，船長沙律，千島海鮮pizza, 紐倫堡香草蛇形腸，煌脆雞翼，紐西蘭極級牛扒，大蝦意大利粉套餐，蜜燒葡萄柚子雞翼。 船長沙律同胡麻豆腐沙律首先送上，船長沙律下面有好多唔同味嘅水果，上面仲有幾粒脆脆，水果幾鮮甜。另外胡麻豆腐沙律，主要有幾嚿大嘅豆腐加上芝麻醬，豆腐幾香滑。 跟住千島海鮮pizza 同紐倫堡香草蛇形腸亦都送上，雖然pizza底比較薄，但上面千島醬同海鮮都好香。另外紐倫堡香草蛇形腸，薯角好好食，蛇形腸有香草味配上佢 秘製嘅醬，味道唔錯。 紐西蘭極級牛扒同大蝦意大利粉，亦都同時送上，牛扒好大塊，肉質鮮嫩，性價比高。另外大蝦意大利粉，總共有四隻蝦一大三小，蝦肉好結實好新鮮，意粉好有質感。 最後叫咗兩碟雞翼，煌脆雞翼，啱啱炸完就拎上嚟，雞翼好龐大，咬開入面啲肉仲出緊煙。仲有柚子雞翼，呢幾隻雞翼用蜜汁燒過所以層皮比較硬同脆。