船長意法日餐廳 (已結業)

今日入元朗朋友家，友人介绍這間船長意法日餐廳，食完感覺幾低，真正又平又靓又正。先後叫了兩款小食、兩杯特式飲品和兩款主菜，食到勁飽之餘，埋單不到2佰元，大滿足。先來船長龍蝦汁海鮮意式燴珍珠飯$85，真係超多款海鮮，有帶子 、青口、牛油大蝦和蟹柳，非常豐富， 鮮味無窮。而飯渗透龍蝦汁味，令飯更香更多汁。其次是卡邦尼煙肉燴長通粉， 都好大碟 ，幾乎食剩，味道顶瓜瓜。小食叫了兩款， 分別是椒鹽魷魚鬚$38和爆脆雞翼$28。 魷魚鬚是原條的，份量好多而且炸得好脆，加上是椒鹽炮製，令味道更惹味。而爆脆雞翼，我覺得皮炸得好脆口， 好像食薯片一樣，雞翼肉質嫩滑爽口，美味鬆脆，正！藍蝶花白桃特飲，好香濃花香味，味道清甜，加上煙韌椰果和爽甜什菓粒食下，非常特別。