影片
更多
2022-06-06
64 瀏覽
餐廳喺厚福街H8，走美式餐廳風格，簡約開揚，望到窗外藍天白雲，餐紙有隻可愛卡通龍蝦，令人心情舒暢。餐廳嘅招牌菜式係【海鮮袋】，做法係將海鮮連埋醬汁放入袋滾熟。呢個烹煮方法令海鮮味鎖住唔會流失，保留原有味道。我哋揀咗馬尼拉蜆、原隻魷魚(去頭)、小龍蝦配檸檬胡椒汁。叫完海鮮袋我哋都揀返啲小食、主食、飲品。【Chocolate Monkey】以香蕉汁、朱古力漿、牛奶製作、上面仲有鮮香蕉果肉同棉花糖。飲完係會肥嘅，但香蕉同朱古力都係my favourite，無辦法啦🤪【Coffee Flow】以Dark Rum同Kahlua利口酒混合咖啡、香蕉加上忌廉；香甜易入口。【黑松露三文魚丸】擺盤幾特別，三文魚丸裝喺玻璃樽入面，底部係麵包糠。麵包糠令到三文魚丸外皮口感更鬆脆，裡面係熟三文魚碎，配黑松露味同沙律醬，味道都幾豐富。【熔岩芝士牛肉漢堡】黑色嘅竹炭麵包，上面插住青綠色生菜、鮮紅蕃茄、煙肉、裡面係鮮黃色熔岩芝士同漢堡。成個色彩配搭幾繽紛。先食薯條，熱辣辣可以蘸芝士食；漢堡切開嗰陣牛肉滲出肉汁，食落先嚐到竹炭麵包嘅香甜，之後就到軟滑嘅芝士，最後就係肉味濃郁非常juicy嘅牛肉，好高質。食完可以食埋蔬
餐廳嘅招牌菜式係【海鮮袋】，做法係將海鮮連埋醬汁放入袋滾熟。呢個烹煮方法令海鮮味鎖住唔會流失，保留原有味道。我哋揀咗馬尼拉蜆、原隻魷魚(去頭)、小龍蝦配檸檬胡椒汁。
叫完海鮮袋我哋都揀返啲小食、主食、飲品。【Chocolate Monkey】以香蕉汁、朱古力漿、牛奶製作、上面仲有鮮香蕉果肉同棉花糖。飲完係會肥嘅，但香蕉同朱古力都係my favourite，無辦法啦🤪
【Coffee Flow】以Dark Rum同Kahlua利口酒混合咖啡、香蕉加上忌廉；香甜易入口。
【黑松露三文魚丸】擺盤幾特別，三文魚丸裝喺玻璃樽入面，底部係麵包糠。麵包糠令到三文魚丸外皮口感更鬆脆，裡面係熟三文魚碎，配黑松露味同沙律醬，味道都幾豐富。
【熔岩芝士牛肉漢堡】黑色嘅竹炭麵包，上面插住青綠色生菜、鮮紅蕃茄、煙肉、裡面係鮮黃色熔岩芝士同漢堡。成個色彩配搭幾繽紛。
先食薯條，熱辣辣可以蘸芝士食；漢堡切開嗰陣牛肉滲出肉汁，食落先嚐到竹炭麵包嘅香甜，之後就到軟滑嘅芝士，最後就係肉味濃郁非常juicy嘅牛肉，好高質。食完可以食埋蔬菜沙律減低膩感。
海鮮袋出嚟啦，店員先重覆上下倒轉幾次令到海鮮同醬汁均勻沾到每件海鮮同配菜，然後解開袋口，牛油香味同海鮮鮮味即刻冒出。
小龍蝦新鮮，蝦肉容易剝離蝦殼，肉質鮮甜夠晒新鮮；原隻魷魚就切成魷魚圈，幾彈牙；馬尼拉蜆嘅蜆肉幾大粒鮮爽；除咗海鮮仲有薯仔、粟米、腸仔粒，吸收咗海鮮精華更加好味；少少瑕疵係牛油胡椒汁嘅胡椒味稍嫌唔夠重～
周末午後食到美味海鮮，盡享休閑時光。
張貼
