影片
更多
2023-02-09
118 瀏覽
今日返新工放工之後，同男朋友去上環晚飯慶祝，之前去過另一分店食點心，覺得好好味，估佢小菜應該都唔錯，所以一於試吓。老爺子半肥不瘦蜜餞叉燒坐低後先點咗碟叉燒，好靚d叉燒，顏色好靚，上面淋上了滿滿蜜汁，閃令令咁。叉燒入口好嫩，肉質鬆化，而且一啲都唔油膩，好香玫瑰露酒味加上蜜糖，好正。香芒貴妃大蝦球花生碎同香芒汁淋上大大隻炸蝦球，賣相吸引，d香芒汁同沙律菜連同大蝦一齊食，炸蝦皮脆香口，蝦肉爽口彈牙，香芒汁沙律菜清新，一碟4隻都好唔錯。日本紫芯番薯浸豆苗呢個菜好特別，好有新意，豆苗浸響紫薯上湯入面。湯入面紫薯粒好多，豆苗爽嫩，吸晒d上湯味，飲埋碗紫薯湯，香甜清新又健康。回疆大汗欖角醬燒骨D骨燒好香，色澤均勻，欖角醬鹹香，味道適中，欖角味道滲入排骨，肉質鬆化，食落去d肉唔黐啲骨，好鍾意。龍蝦湯瑤柱燴海皇用料上乘而且足，有蝦肉、瑤柱、蛋白、豆角粒，啖啖美味，呢個羹嘅湯頭濃郁，味道啱啱好，唔駛加其他調味料，例如：紅醋或者胡椒粉都已經好正，而且都好飽肚。總括而言，我哋對今餐都好滿意，小菜味道都好好，食物質素佳。聽講師傅曾就職於日本東京富麗華多年，之後在香港多間米芝蓮酒店及大型連鎖酒樓集團做主管，經驗豐
老爺子半肥不瘦蜜餞叉燒
坐低後先點咗碟叉燒，好靚d叉燒，顏色好靚，上面淋上了滿滿蜜汁，閃令令咁。叉燒入口好嫩，肉質鬆化，而且一啲都唔油膩，好香玫瑰露酒味加上蜜糖，好正。
香芒貴妃大蝦球
花生碎同香芒汁淋上大大隻炸蝦球，賣相吸引，d香芒汁同沙律菜連同大蝦一齊食，炸蝦皮脆香口，蝦肉爽口彈牙，香芒汁沙律菜清新，一碟4隻都好唔錯。
日本紫芯番薯浸豆苗
呢個菜好特別，好有新意，豆苗浸響紫薯上湯入面。湯入面紫薯粒好多，豆苗爽嫩，吸晒d上湯味，飲埋碗紫薯湯，香甜清新又健康。
回疆大汗欖角醬燒骨
D骨燒好香，色澤均勻，欖角醬鹹香，味道適中，欖角味道滲入排骨，肉質鬆化，食落去d肉唔黐啲骨，好鍾意。
龍蝦湯瑤柱燴海皇
用料上乘而且足，有蝦肉、瑤柱、蛋白、豆角粒，啖啖美味，呢個羹嘅湯頭濃郁，味道啱啱好，唔駛加其他調味料，例如：紅醋或者胡椒粉都已經好正，而且都好飽肚。
總括而言，我哋對今餐都好滿意，小菜味道都好好，食物質素佳。聽講師傅曾就職於日本東京富麗華多年，之後在香港多間米芝蓮酒店及大型連鎖酒樓集團做主管，經驗豐富。下次嚟可以再試吓佢哋嘅海鮮，我見佢哋個大魚缸有好多款生猛海鮮。
張貼
