源祖之味古早味蛋糕店 (已結業)

今日去旺角MOKO新世紀廣場行街街，見到呢間賣古早味蛋糕裝修好得意，吸引咗過去影相打卡，見到佢啲古早味蛋糕口味幾特別幾吸引。我去到嘅時候，剛剛係芝士愛肉鬆同埋黑松露芝士蛋糕出爐，香噴噴，啱晒鍾意食鹹蛋糕同芝士嘅我，於是買兩個返屋企試吓。芝士愛肉鬆蛋糕肉鬆鋪滿咗蛋糕面，睇見都開心，果然係人氣no.3 口味。蛋糕切落去嗰陣時已經感覺到佢嘅鬆軟，一口咬下去，蛋糕鬆軟，口感綿密，充滿蛋香加上肉鬆嘅鹹香同埋芝士嘅奶香味，有幸福的感覺，非常好吃。黑松露芝士蛋糕呢個蛋糕我哋隔咗一日先食，食之前叮熱咗，黑松露味香氣撲鼻，食落去蛋糕依然鬆軟。返熱之後芝士微溶，令芝味更香濃，然後蛋香加上黑松露香味，令人一啖接一啖咁食，芝士勁多，好邪惡。總括而言蛋糕很不錯，家人都食得好滿意，下次一定會再來買其他口味試。