ASAP As Simple As Possible

營業中

休息中

ASAP 早餐有港式選擇，亦有些歐美選擇，今次我選了有酸種麵包的，白汁雞肉奄列。環境舒適，餐廳佈置亦都新穎有格調，店員服務殷勤，只要一舉手都會即刻走過來。咖啡係即磨咖啡，略嫌奶太多。早餐樣子唔錯，沙律比較多汁，酸種多士好好味。但係一打開個奄列就有啲失望。我明明係叫雞肉奄列，但係雞肉只得三兩粒，大部份都係薯仔，應該叫做薯仔奄列就差唔多。我自己就唔鍾意食薯仔，所以就覺得好失望，早知叫腸仔雞胸肉嗰個M1好過。雖然唔係太滿足，因為唔係我自己想食嘅嘢，不過可以舒舒服服咁樣慢慢坐，環境清潔，都算一個悠閒嘅早晨。餐廳就算食早餐都要加1 嘅，呢個早餐大約$58。下次再試其他早餐。