ASAP As Simple As Possible

營業中

休息中

這裏是我最常到的餐廳， 可算是我的飯堂之一 ，早午晚餐都會時常幫襯 。喜歡的原因有幾個，一是餐廳很闊落， 樓底很高 ，坐得舒服 ，店員熱情友善， 餐品選擇多， 這裏屬於日式西餐類別， 經常都會增加變換一些新的菜式， 清淡健康 ，今天來晚飯， 發現又多了一些選擇 ，就是多了幾款茶漬飯， 有牛柳粒， 帆立貝， 海鮮茶漬飯 。天氣熱 ，想吃得清淡些， 我們選了牛柳粒和帆立貝茶漬飯， 價錢便宜 ，分別是＄95和$79。茶漬飯包括一大碗飯 ，上面有牛柳粒和兩大個帆立貝 ，一條秋葵和一粒美味的梅子， 一碟日式醃菜 ，有蘿蔔 ，芽菜和海帶 ，當然還有一壺湯用來泡飯， 份量對於我們來說剛剛好 ，食材都很新鮮 ，湯也熱。 我最喜歡就是有一粒梅子送飯 ，惹味又開胃。 秋葵有點老， 帆立貝鮮嫩可口 ，吃完泡飯 ，還有一杯飲品， 我們都選了檸檬水 ，清香健康 ，是夏日的最佳飲品 ，這一頓飯很便宜 ，這裏對於無飯家庭來說 真是很大的幫助。👍👍

之前ASAP平均兩星期都食一次，佢嘅10oz西冷牛扒之前都食過3,4次，很不錯。但係！今日食完全出事！發現佢地明顯轉左食材，係一塊重手醃過，嗱過，軟淋淋，完全冇牛味嘅 ”扒”, 仲衰過大x樂/茶餐廳嘅所謂牛扒！比個廚師廚藝點高超，都救唔到呢塊冇牛味嘅”扒”重點係，佢寫係澳洲西冷，唔加任何野，$138, 加埋10%係$151。真係好過份，之前啲食材好正常，唔係呢種嗱過又冇味嘅垃圾！到底發生了什麼事？係唔係當客人係白卡，食唔出分別？咁玩法好快say good bye!向低劣食材說不！

這家屬於大快活集團旗下的Café，在香港有三家分店，除了一般Café的西式料理，更有提供日本洋食，這次我們光顧的是銅鑼灣分店，距離港鐵天后站大約6分鐘步程，餐廳採用輕工業風室內設計，環境舒適，適合情侶或朋友聚會。喜歡蛋包飯的我當然要嚐嚐蛋包飯了！雖然這家Café並非蛋包飯專門店，不過款式也多達6款，醬汁和飯都可以按菜單自由選擇！這次我選擇了「板燒雞髀扒蛋蓋飯」（$79）和轉了特飲「泡沫朱古力北海道牛乳」（$8）。蛋包飯的賣相不錯，雞扒有醃過和煎香，味道與燒汁很配，雞蛋口感嫩滑，我覺得最特別的必是飯底，除了白飯，還可以選擇蕃茄飯！蕃茄飯更加入粟米粒增加口感和風味，感覺特別又好吃！「泡沫朱古力北海道牛乳」配有棉花糖和朱古力醬，可惜朱古力味道比較淡。男朋友則選擇了「炭燒美國安格斯切片封門柳」（$128），牛肉有煎香，味道香濃。如果喜歡日本洋食或西式料理的話，這家餐廳值得推薦！不過要注意，這家餐廳需要收加一服務費。

乘著在附近做事，跟同事就此駐足，用個午餐。香燒雞扒配露絲瑪莉燒汁意大利粉，先不談食味，上桌時好奇怪是碟子太大還是擺盤的問題？僅得半碟，完全未郁動過，全部側埋一邊，相當搞笑！煎雞扒並不太大塊，普通晒士。雞皮微脆，雞肉倒是細滑。意粉亦煮得不錯，硬度剛好。露絲瑪莉的香氣從汁液中飄揚，合襯的拍檔。鮮蝦露荀卡邦尼意大利粉，蝦爽口到不得了，然而全碟好像只有四隻蝦，似乎少了點吧。露荀倒是很多，鮮嫩爽脆。意粉滑溜溜，惟卡邦尼醬略嫌不夠多。重點是價錢便宜，融合尚宜。

今晚又嚟食晚飯，見到新Menu 所以叫左d新嘢試吓。炭燒封門柳，鐵板切片上，嫩嫩的，好香烤味，份量不多，個餐配沙律及白飯，若然可改配意粉或薯條就更佳。番茄青口意粉，汁醬吾夠，味道同青口吾太夾。烤斧頭豬扒及烤肉腸，之前食過系夾埋一齊一款的價錢，現在是拆開兩款價錢的，可能見受歡迎所以提價，斧頭豬扒尤其出色，豬扒慢煮過所以好juicy ，烤肉腸仍然大大條，啖啖肉。加配酥皮湯及提子/士多啤梨梳打，仲有薯條。甜品叫左兩客，將牛角包夾成窩夫，小丸子、雪糕和士多啤梨及香蕉併在一起，幾好。

平時耐唔耐都有幫襯開呢間asap，本嚟今日收工就走架啦～點知經過果陣，見到個大大既poster$10雞，無錯！我都以為自己睇錯，定間鋪就嚟執。。。咁吸引咪入去睇下囉～原來唔係執，而係做緊推介限時優惠，即刻坐低試下囉，你叫個晚餐就可以加$10有只春雞，咁我叫落左個蛋蓋飯+只春雞試下囉，蛋蓋飯keep到平時既水準，而個重點春雞啦，服務員好好，主動比手套我食，佢原只咁上，味道比想像中好，服務員又細心，幫我加左幾次水，食飽埋單都係100多啲啲，好抵！有服務，有質素，環境好，梗係要繼續幫襯啦

服務態度超級差！成餐飯受氣多過享受！ 本身同班朋友開開心心敘舊，俾啲咁嘅服務員咁樣對待真係完全接受唔到！ 1) 見餐牌同落單Apps主菜唔同，諗住查詢問吓 ，服務員一句叫我自己睇字。2）嘢食到咗諗住叫服務員俾幾隻碗仔我地，等咗10幾分鐘都未有，善意再問佢哋，一句大聲同我哋講話啲碗未洗好，話俾唔到我哋，啲態度衰到以為自己落咗大排檔食嘢。環境好又點，質素真係好差！！！！！今次真係好好體驗！服務態度真係一百分😀上菜又慢，成餐飯食咗三個鐘。水都冇杯。

My hot lemon tea came out so slow, that I ate this much of my breakfast. We even had to ask them to check the order again. I know hot drinks come served piping hot but if you’re going to serve drinks this slow and I’ve eaten this much of the breakfast already, this is really bad. Don’t come here if you want a quick breakfast. This is not the first time drinks were served so slow, lunch and dinner also.

12點9去到要排隊等位 坐無虛席嘢食還可以 但服務態度🫠🫠🫠Lunch menu 加4蚊有湯飲或者沙律食 但今日無粟米湯所以就無加配喇QR Code落單 10幾分鐘就有嘢食👧🏽鐵板野菜蛋蓋飯配日式咖喱汁蕃茄飯熱洋甘菊茶咖哩汁對我嚟講唔夠濃味野菜算多款 西蘭花 翠玉瓜 秋葵 大量菇類蕃茄飯無蕃茄味 （？）👩🏼‍🦰板燒雞髀扒蛋蓋飯配燒肉汁白飯熱伯爵茶雞脾肉質腍同滑燒肉汁少偏咸2個蛋蓋都係滑溜嘅‼️但呢度啲員工態度就真係有待改善 🫠聽錯嘢仲要大聲審問式同我媽媽講嘢 🫠

星期日早上8:56入到餐廳，用咗5分鐘時間經手機點餐。9:16am工作人員埋嚟話冇奶茶，叫我改第二啲飲品，我問點解，佢話因為奶茶仲煲緊, 我問點解九點幾都未仲喺度煲緊奶茶，佢話奶茶好賣，之前太多人飲奶茶，而家要再煲過，我問要等幾耐，佢話起碼要10分鐘，我決定等。因為印象中啲奶茶係好飲嘅。5分鐘之後，工作人員送嚟奶茶啦，但係竟然係車仔或立頓茶包沖的😮‍💨連加一要差不多$60的一個餐蛋麵奶茶早餐！唔怪之得要北上消費！

平時經過覺得呢間餐廳好chill 好舒服，所以今日黎食早餐。。點知。。。😵‍💫叫最簡單蛋治凍咖啡塊蛋治差過茶餐廳塊包厚但完全唔好食。。日本牛乳蛋治，但完全無味。。 咩黎？燶咗？最慘係原來好多碎牛喺d蛋度。。🤮唉😔 我喺唔食牛！！

好少去到天后嗰邊，但「今晚阿sir請食飯」😆😆，被邀約到ASAP晩餐，竟然有驚喜。 5：30pm，因爲要先傾工事、再開餐，過程中店員冇催促，亦樂意配合先上前菜比我地慢慢傾。前菜沙律新鮮爽口😋、海鮮酥皮湯放左一陣先飲，快酥皮都仲好脆。湯好飲，飲完唔口渴，真材實料。😋👍 傾完工事，終於開餐，我揀左吉列豬扒蛋包飯，豬扒嫩滑，蛋有蛋香，飯底我揀左茄汁底，更開胃。飲品揀左焦糖牛奶，好得意，焦糖、棉花糖粒粒自己diy加落去，IGable。😆😆😋😋 全程由店員Irene招待，親切有禮，亦悉心安排上菜次序。最後店員仲送上雪糕比我地做甜品（唔知係咪期間限定🫣🫣），正！ 最後回程行返去天后MTR，原來附近係超多食肆，種類繁多，下次除咗響銅鑼灣搵食，都會search埋天后站😉👍，ASPA肯定係推介之一😆👍

今日經過天后，見到一間餐廳叫ASAP，覺得好得意，而又等緊人，果陣咪入去試下囉～一入門口就有人走過嚟招呼，問我幾位，然後帶我搵位坐低。叫左個通粉三文治，個通粉湯夠熱，酸酸甜甜好味，三文外脆內軟，咖啡夠味，坐左成個鐘先走，見經理帶頭周圍同客人傾計，有講有笑，氣氛加野食都唔錯，下次有機會要再試

同朋友食Lunch，想搵間坐得舒服啲唔洗人迫人嘅餐廳，依度係個唔錯嘅選擇✅食物種類豐富，有蛋蓋飯、意粉、焗飯、漢堡、扒類等，加$20可配套餐，有齊沙律、湯同飲品，都幾抵食架🧚‍♀️✴️香煎雞扒配露絲瑪莉燒汁意大利粉✴️雞扒肉厚身嫩滑，大小有成隻手掌咁大✋🏻雞皮煎得好香好脆，調味適中唔會太鹹～唯一敗筆係意粉，煮完之後放咗一段時間，所以已經痴埋哂一齊，軟硬唔均勻👎🏻✴️牛肋肉蛋蓋飯✴️可揀咖哩汁/燒汁/蕃茄汁，飯亦可揀白飯/蕃茄飯🍚牛肋肉有咬口，帶點肥肉筋位～蛋蓋飯份量唔算多，女仔食會夠飽但男仔應該唔得🙈✴️酥皮海鮮濃湯✴️細細杯唔錯，即叫即焗所以非常熱♨️湯入面有一塊魚柳同兩粒蜆肉，不過如果怕腥嘅人應該唔鍾意飲～～

ASAP位於天后就在銅鑼灣街市附近。餐廳的招牌超級亮眼，在附近路過必定留意到。餐廳裝修採用輕工業風的設計加上大型插畫及霓虹光管掛飾， 格調輕鬆休閒。餐廳提供多款主食，全日早餐、漢堡包、日式咖喱、意大利粉、焗飯、扒類主菜及甜品。這次是午餐時段光顧，這裡有很多午餐套餐選擇，套餐都奉送咖啡/茶或可加錢升級其他特色飲料。❈ 鹽燒牛舌蛋蓋飯 HK$72是日餐湯(粟米湯) HK$4 (加配優惠)每款蛋蓋飯都可以自選醬汁(日式咖喱汁/燒汁/鮮蕃茄汁)及飯底(白飯/蕃茄飯)。我選了日式咖喱汁及蕃茄飯。這個牛舌蛋蓋飯的配搭很特別，牛舌份量適中，肉質軟嫩。日式咖喱汁的咖喱味不濃不辣，與牛舌及蛋蓋飯一起吃不會被咖喱味蓋過。熱騰騰的粟米湯，非常暖胃。