影片
更多
2022-06-21
1841 瀏覽
呢間酒樓位置相當方便座落於觀塘APM商場裝修非常之高貴典雅俾人一種好華麗感覺兩點下午茶好抵食🫖食物款式都好多岩晒同屋企人飲茶🥰🔸香煎蘿蔔糕 $21.8蘿蔔糕一份有三件，師傅好有功架煎得好靚，金黃色嘅外層真係睇到流哂口水，食落熱辣辣，點埋甜醬食仲正😋🔸上湯鮮竹卷 $24.8咬入好多上湯汁，鮮味十足。入面包住素餡，有蔬菜、冬菇等等，口感非常豐富。🔸流沙包 $26.8一籠有三個，包皮好鬆軟，一咬d奶黃漿爆哂出嚟，真係好邪惡🤤不過食果陣要記得睇熱呀！🔸XO醬豬頸肉炒河 $88勁大碟呀呢碟炒河，而且豬頸份量勁多，真係好有誠意。食落河粉好滑，完全唔油膩，仲好有鑊氣。豬頸肉啖啖肉好爽口，用埋XO醬炒仲非常之惹味🤤🔸燒鵝米粉 $36.8飲茶點可以唔叫燒鵝米，呢碗燒鵝米都好多件燒鵝，燒鵝嘅外皮燒得好香，鵝肉好嫩滑，十分出色👍🔸春風得意腸 $43.8呢道係呢間茶樓嘅招牌菜，睇個賣相都已經好靚，每件腸粉上面仲有十幾粒蟹籽。外層嘅腸粉好滑，中間油炸鬼好酥脆，內層嘅鮮蝦爽口彈牙🤤🔸點心拼盤 $44點心拼盤好豐富，有鮮蝦燒賣、水晶蝦餃、潮洲粉果同埋燕麥糕譽兩件，真係好抵食🤣🔸椰香黃金糕 $16.8依家好少酒樓有黃
座落於觀塘APM商場
裝修非常之高貴典雅
俾人一種好華麗感覺
兩點下午茶好抵食🫖
食物款式都好多
岩晒同屋企人飲茶🥰
🔸香煎蘿蔔糕 $21.8
蘿蔔糕一份有三件，師傅好有功架煎得好靚，金黃色嘅外層真係睇到流哂口水，食落熱辣辣，點埋甜醬食仲正😋
🔸上湯鮮竹卷 $24.8
咬入好多上湯汁，鮮味十足。入面包住素餡，有蔬菜、冬菇等等，口感非常豐富。
🔸流沙包 $26.8
一籠有三個，包皮好鬆軟，一咬d奶黃漿爆哂出嚟，真係好邪惡🤤不過食果陣要記得睇熱呀！
🔸XO醬豬頸肉炒河 $88
勁大碟呀呢碟炒河，而且豬頸份量勁多，真係好有誠意。食落河粉好滑，完全唔油膩，仲好有鑊氣。豬頸肉啖啖肉好爽口，用埋XO醬炒仲非常之惹味🤤
🔸燒鵝米粉 $36.8
飲茶點可以唔叫燒鵝米，呢碗燒鵝米都好多件燒鵝，燒鵝嘅外皮燒得好香，鵝肉好嫩滑，十分出色👍
🔸春風得意腸 $43.8
呢道係呢間茶樓嘅招牌菜，睇個賣相都已經好靚，每件腸粉上面仲有十幾粒蟹籽。外層嘅腸粉好滑，中間油炸鬼好酥脆，內層嘅鮮蝦爽口彈牙🤤
🔸點心拼盤 $44
點心拼盤好豐富，有鮮蝦燒賣、水晶蝦餃、潮洲粉果同埋燕麥糕譽兩件，真係好抵食🤣
🔸椰香黃金糕 $16.8
依家好少酒樓有黃金糕食，難得見到一於試吓！結果無令我失望，食落非常之鬆軟，好香椰汁味亦都唔會太甜👍🏼
🔸博燒黑豚肉 $68
色澤好亮麗，肥瘦亦都好平均，黑豚肉燒得啱啱好，食落唔會韌，爆哂肉汁，邪惡到不得了🤤
🔸香脆百味豆腐 $48
一碟份量都唔少，炸到豆腐外層卜卜脆，入面嘅豆腐就好滑，口感好正。加埋椒鹽炒香令到個香味昇華到另一層次😍
張貼
