影片
更多
2021-07-05
59 瀏覽
之前去過姊妹桔梗食飯，知道原來Lagom Kaffe喺觀塘開咗分店，放工去更方便，所以約朋友去試吓上到去空間感好大，環境闊落，俾人一種舒適嘅感覺，枱與枱之間嘅距離幾遠，可以有私隱度，而且環境靜靜地，傾偈最適合，放工可以慢慢chill下晚餐主食揀左菇菇燻鮭明太子奶油章魚燉飯，聽個名都覺得特別，賣相吸引，有好新鮮嘅主角章魚🐙，食起上嚟有種炭燒嘅感覺，口感較煙韌，飯中混合左鮭明太子碎，有種海鮮嘅味道，再加上奶油令整體感覺creamy ，而飯上有隻溫泉蛋，配上蛋汁食又有另一番滋味，連個碟都好有藝術感晚餐會包一個麵包盤，有四片共兩款口味，有一款裏面加咗植物籽，幾香又好味，要讚一讚旁邊嘅牛油，應該係自家製加咗蒜蓉同香料，配搭麵包食一流另外叫咗款期間限定嘅甜品，係牛角包窩芙配焦糖雪糕，窩夫嘅質感有別於其他餐廳，因為係似牛角包嘅質地，比較酥軟，食到好香嘅牛油味，配上焦糖雪糕食味道好夾，而旁邊亦有幾片新鮮菠蘿，感覺清爽我揀左杯特飲，叫日落 Before Sunset，賣相幾靚，應該會吸引到女仔打卡，上面有幾片玫瑰花瓣，再加上一片乾橙，賣相吸引，飲落去其實係蜜糖再加利賓納，仲有士多啤梨，夏天飲好適合，甜甜
上到去空間感好大，環境闊落，俾人一種舒適嘅感覺，枱與枱之間嘅距離幾遠，可以有私隱度，而且環境靜靜地，傾偈最適合，放工可以慢慢chill下
晚餐主食揀左菇菇燻鮭明太子奶油章魚燉飯，聽個名都覺得特別，賣相吸引，有好新鮮嘅主角章魚🐙，食起上嚟有種炭燒嘅感覺，口感較煙韌，飯中混合左鮭明太子碎，有種海鮮嘅味道，再加上奶油令整體感覺creamy ，而飯上有隻溫泉蛋，配上蛋汁食又有另一番滋味，連個碟都好有藝術感
晚餐會包一個麵包盤，有四片共兩款口味，有一款裏面加咗植物籽，幾香又好味，要讚一讚旁邊嘅牛油，應該係自家製加咗蒜蓉同香料，配搭麵包食一流
另外叫咗款期間限定嘅甜品，係牛角包窩芙配焦糖雪糕，窩夫嘅質感有別於其他餐廳，因為係似牛角包嘅質地，比較酥軟，食到好香嘅牛油味，配上焦糖雪糕食味道好夾，而旁邊亦有幾片新鮮菠蘿，感覺清爽
我揀左杯特飲，叫日落 Before Sunset，賣相幾靚，應該會吸引到女仔打卡，上面有幾片玫瑰花瓣，再加上一片乾橙，賣相吸引，飲落去其實係蜜糖再加利賓納，仲有士多啤梨，夏天飲好適合，甜甜酸酸好清新
朋友就揀左杯espresso tonic，加左$18升級Jgasco 13.5 Tonic，呢種tonic 較特別，除左只得13.5卡路里，原來係用gin 酒嘅原料juniper berry做，所以飲落會苦苦地，再配上咖啡嘅香濃，別有一番風味
餐廳內除咗有一般嘅咖啡，宜家仲有啤酒可以選擇，唔同口味嘅朋友都有得揀。職員嘅服務態度幾好，表現親切有笑容，而且餐廳有戶外區域，如果天氣好坐出去都幾舒服
張貼
