御前上茶 (已結業)

呢間食店用咗淺色木嘅裝修，柔和嘅燈光同音樂，坐位亦唔會太迫，令緊張嘅工作生活，驟然放下來走進放鬆心情~🍀2人餐跟套餐款式都各有不同，最後叫咗2個晚市套餐。凱撒沙律，菜邊有點生銹，可能近期羅馬生菜問題難進口啦…鐵板燒牛肉飯，小鐵板上嘅牛肉熱騰騰，好多美味嘅醬汁，牛肉煮得適中，加埋洋蔥一齊配飯食非常正~小食有博多煎蛟子，關西風鱆魚燒，兩項嘅味道一般，又唔算差嘅~ 可惜用咗兩隻勁崩嘅器皿就差少少喇…嚟到今晚戲肉了…蟹羔蟹肉茶漬飯，裡面仲有碎紫菜同泡飯常用呢脆脆米，蟹肉上面有少少飛魚籽，拆開嘅蟹肉中，還可見到有蟹鉗肉喺入面，而個湯有好重嘅鰹魚味，個飯食咗一半冇加湯，另一半係加湯，兩款都好好味~超正~最後來返杯御抹茶清吓，味道唔算係好濃或太淡，都幾適中。