影片
下面呢位版主既言論，我有啲野想回應下。首先，我睇過openrice上外賣自取係同門市外賣價錢基本上一樣，但附加費加2蚊。睇吾到呢位人兄所講既58蚊。第二，我都經常買佢地既外賣，份量一啲都吾少。而且本人覺得多得滯。點會得半份呢！😶（吾知你係咪2個人分享一個餐呢。😆）咁就窄d嘅....不過你都係比三十幾蚊，想人比隻車你咩🥴！唉，疫情底下，個個謀生都唔容易，唔好咁黑心，一味淨係唱衰人啦，請積下陰德，生活都開心d☺️。順帶一提，佢地主要做車仔麵㗎，分量足夠又幾好食🤤，值得一試啊～🤤
繼續閱讀
所謂嘅半價其實只不過係縮小啲份量 佢個飯依家喺openrice自取58蚊 根本就冇半價 只會減咗廿蚊咁解 又係某種銷售手段唔怪得之冇人幫襯啦 有人幫襯都真係偷笑呀 以往有四間分店㗎 執鬼曬啦佢 我情願幫襯番正價 食返正常分量啦 仲要收兩蚊外賣嗰啲質素根本就同吉野家一樣 扮乜嘢高級餐廳呀 仲貴過porncon商場 人哋嗰啲先係真正高級呀
繼續閱讀
今日嚟到樂富見到佢門面同餐單比較吸引，諗住試一試😛 一嚟見到佢$138 有一份二人套餐，後來覺得散叫抵食啲同多啲款式，所以叫咗一份花膠車仔麵同一份溏心蛋芝士醬肥牛撈丁🤤 花膠車仔麵 ( 配蘿蔔、豬軟骨) $52 呢度竟然有花膠車仔麵，一向鍾意食花膠嘅我當然要試吓啦！花膠都幾厚同結實，食完個花膠即刻覺得好滋補🤣佢嘅蘿蔔甜甜地唔錯，豬軟骨都幾淋👍🏻👍🏻 ，另外湯底就叫咗咖喱汁小辣，我個人就覺得個咖喱汁可以再濃啲。枱面旁邊有辣味同蝦米菜脯俾大家自己加料，各位唔食得辣嘅就真係唔好加辣味菜脯啦🤣真係幾辣下 溏心蛋芝士醬肥牛撈丁$ 54 淨係見到嗰名都覺得邪惡啊！！雖然撈定比平時出邊食嘅貴，但值得嘅！不得不提及嘅就係佢嘅芝士醬，識落唔會覺得好膩，望落去嘅顏色偏橙黃，應該係車打芝士😛肥牛嘅份量都算多，整體來講，真係唔錯 。呢間餐廳離地鐵站近，大家真係不妨試吓👍🏻
繼續閱讀
👉🏻蒲燒鰻魚飯 $55即食鰻魚 其實鰻魚飯都好難會衰既🤷🏻♀️份量剛好 夠飽 味道正常 無咩特別✍️⠀👉🏻叉燒拉麵 $48好普通既港式拉麵 有鹼水味 麻麻地👋🏻⠀⭕️另收加一⭕️唔值呢個價😶⠀
繼續閱讀
同兩個朋友去樂富食dinner見依間啲餐單都有折 就入左去食店面得一個男仔又要落單 又要落外賣 又要送餐 佢都幾忙嘢食都幾多選擇我最後喺炸蝦滑蛋飯同天婦羅蝦飯中掙扎但係又好想食天婦羅所以揀左依個結果。。。送到嚟咪又係炸蝦 =.= 唔係天婦羅同炸蝦唔識分掛 送到嚟貨不對辨早知我就嗌番個滑蛋飯啦個飯就得三條炸蝦 同啲粟米紫菜講真 啲餸一啲都唔夠送飯我已經食得好慳。。。最後要借朋友啲湯嚟食埋啲白飯朋友嗌左茶漬飯同米線茶漬飯嗰壺"茶"係好咸嘅高湯不過最後每人埋單五十幾蚊 都算係咁啦
繼續閱讀