大飯桶 (已結業)

向隔離順豐站拎完嘢，就食個簡單嘅晚飯，呢間見有煲仔飯食，就已經足以令我好想衝入嚟食😋😋叫左個蒜蓉蝦配帶子煲仔飯，食煲仔飯之前將所有材料撈勻，每一啖飯都有淡淡的蒜香味，外邊蝦都幾新鮮食落去冇雪藏味，而帶子就雖然薄咗少少，但味道都保持到鮮甜。另外叫咗個椰皇豬展湯，椰皇煲到可以入到口，豬展都幾多，好似食極都唔完咁😝另外中秋就到，天氣涼涼哋，就心郁郁想食個壽喜燒，呢度嘅壽喜燒好有家庭風味，材料到好充足，入面除咗牛肉，仲有獅子卷、墨魚丸、娃娃菜。好欣賞套餐裏面包含咗拌菜，伴菜嘅份量好大碟，入面嘅玉子燒同木耳都好好食。