茶茶台式料理 (已結業)

想食台式料理可以去呢間茶茶，今日同朋友食午餐發現原來台式料理都好受歡迎。簡簡單單一個滷肉飯又一餐，而且仲有一系列台式料理飲品。朋友叫咗台式紅燒牛肉麵，可以話係台灣數一數二最有名嘅代表作，湯底都幾清，有蘿蔔同埋甘筍。另外仲有炙燒黑椒牛肉飯，醬汁略嫌過多，但有足夠嘅肥牛同埋洋蔥爆得幾香牛肉薄切每啖都有好濃烈嘅味道。每一個午市套餐仲可以追加小食，我哋叫咗花枝丸同埋柚子雞翼，兩款份量唔算多但夠精緻，味道唔錯加埋台式甜酸醬，香炸口感令人一試愛上。最後當然我梗係要加杯台式飲品，今次試吓唔飲台式奶茶轉飲蜜桃綠妍，加$3可以加仙草，更加有口感每一啖都係啫喱，涼透心。