影片
更多
2017-09-05
2216 瀏覽
不記得從那時開始，一班人食飯，就會唸要去打邊爐，大家也喜歡一班人圍在一起，有講有笑，無所不談的感覺，這夜也不例外，我們選址灣仔，揀了這間比較高格調的火鍋店。餐廳位於W Square 既 4樓，朋友問我應該由銅鑼灣還是灣仔地鐵站前往比較容易比較快，其實這個位置就在兩個地鐵站的中間，兩邊也不算就腳，但也不算遠，大概5分鐘便可以到達，但係如果唔熟路的話，銅鑼灣站應該比較易走吧。步出升降機門，已經被餐廳的氣派所吸引，古式古香的 lift 門，好像一個古墓的入口。大大的魚缸和生猛的海鮮正在向我們say hi，而店員也十分殷勤的迎賓。餐廳十分大，除了「大廳」的座位外，還設有「包廂」，基本上多人少人前來也都合適。可能是餐廳開業不久的緣故，所以人不算多，我們沒有訂位也不用多等。餐具很精緻，而乾淨程度爆燈，基本上也不用在自己清潔多一次。餐廳設有會員制，可以買餐廳的會員卡 (禮遇卡」，最平由$10,000開始可以獲得額外 5% 獎賞，最多可以儲值 $50,000獲得額外 15%獎賞，最岩一大班人，或者鐘情火鍋既客人。而由於餐廳新開張既緣故，午市定食套餐會有 88折的優惠，而讚好及分享餐廳的專頁，更可以得到
餐廳位於W Square 既 4樓，朋友問我應該由銅鑼灣還是灣仔地鐵站前往比較容易比較快，其實這個位置就在兩個地鐵站的中間，兩邊也不算就腳，但也不算遠，大概5分鐘便可以到達，但係如果唔熟路的話，銅鑼灣站應該比較易走吧。
步出升降機門，已經被餐廳的氣派所吸引，古式古香的 lift 門，好像一個古墓的入口。
大大的魚缸和生猛的海鮮正在向我們say hi，而店員也十分殷勤的迎賓。
餐廳十分大，除了「大廳」的座位外，還設有「包廂」，基本上多人少人前來也都合適。
可能是餐廳開業不久的緣故，所以人不算多，我們沒有訂位也不用多等。
餐具很精緻，而乾淨程度爆燈，基本上也不用在自己清潔多一次。
餐廳設有會員制，可以買餐廳的會員卡 (禮遇卡」，最平由$10,000開始可以獲得額外 5% 獎賞，最多可以儲值 $50,000獲得額外 15%獎賞，最岩一大班人，或者鐘情火鍋既客人。
而由於餐廳新開張既緣故，午市定食套餐會有 88折的優惠，而讚好及分享餐廳的專頁，更可以得到指定刺身。
餐牌很有氣派，十分精緻。
火鍋湯底既選擇十分多，最霸氣既首選濃湯魚翅花膠鵪鶉湯，盛惠 $888，而比較平民既湯底，$88已經有交易。
火鍋配料選擇也夠多，而且價錢都唔算貴。
點好菜好，首先來到的是席前水果，有西瓜，火龍果和哈蜜瓜，但其實水果並唔係免費既，每位收 $15。
刺身拼盤 $900
因為朋友見到鄰桌既刺身十分吸引，所以我地都「跟風」order佐一個，我們點了多款魚類，
估唔到火鍋都可以食到咁高質既刺身，每款食落都好新鮮，食落鮮甜而油脂豐盈，我地每人試佐幾塊都真係停唔到口，好想encore，但今日既主打係火鍋，所以要留肚。
食完刺身後，店員便為我們拿來醬料，開始「混醬」了，生蒜、炸蒜、蔥花、辣椒，等等，應有盡有。
杭幫花膠老鴨鍋 (半份) $168
因為好想食花膠，而又覺得湯底魚翅花膠鵪鶉湯太太太高貴的緣故，最後我們選了平民版的花膠老鴨鍋。
湯底比賽清，但係其實非常足料，放入半隻鴨，肉汁帶出濃湯感。
花膠十分厚切，但數量唔算多，所以我地會先把它拿起再分配，以視公正。
本地手切肥牛 (大份) $268
自稱為牛魔王既我地，選了肉味比較濃既本地手切肥牛，份量很足，而牛肉既紋理分明，是看得見的好吃。
輕輕灼一下，令肥牛呈半熟既狀態，入口即溶，幸福感湧現。
鮮蝦雲吞 $72
雲吞係餐廳自己即包既，皮做得很薄，鮮蝦大大隻而且夠爽甜彈牙，好好味。
黑腐竹 $38
平時食白色 (米色?) 既腐竹比較多，黑腐竹真係唔好餐廳，特別係火鍋店可以食到，食落其實都平時腐竹分別唔算非常大，但我感覺佢就無咁容易散開，比較有質感。
清酒黑豚肉 (大份) $228
這款可算是餐廳獨有私特色菜，賣相很吸引，豚肉用了冰震，上面放有一碗清酒，可以把生豚肉先浸清酒再放湯去煮熟。
放湯煮熟後其實清酒既味道都會流去，只有少量既清酒味殘留，但豚肉食落夠爽身，豬味都幾濃。
下次再食可能會試下將次序倒轉，先煮熟再點清酒效果可能更好。
蔬菜拼盤 $88
蔬菜亦都係食火鍋必點既項目，這款拼盤有齊多款蔬菜，包括蕃茄，生菜，南瓜等等，一次過可以滿足多個願望。
店員加湯也是一個表演，用上長長的壺咀，離遠為我們加上濃湯，可以在最唔 disturb 客人既情況下為我們加湯，抵讚。
四川紅薯粉 $38
最後主食我們點了最近很流行的四川紅薯粉 ，餐廳提供特別的容器去讓我們處理薯粉，可以讓薯粉 煮熟得黎不用費勁去一條一條夾番上黎。
紅薯粉煮到透明狀態就食得啦，最後吸哂火鍋既精華再加上少許辣椒一齊食，即刻飽哂。
每次選擇火鍋店都總有一個難題，就係環境可能未必坐得舒服，或者四周很吵鬧，要用上九牛二虎之力才可以讓對方聽到自己既說話，而這裡就解決佐呢個問題啦，絕對會有第一次既到訪！
張貼
