119
5
6
港鐵銅鑼灣站 A 出口, 步行約10分鐘 繼續閱讀
付款方式
Visa Master AlipayHK 支付寶 現金 銀聯
座位數目
100
其他資料
支持防疫 詳細介紹
Wi-Fi
24小時營業
自帶酒水
VIP房
電話訂座
加一服務費
室外座位
電視播放
當面支付
食評 (147)
圃鍋一直都以高級火鍋聞名,但遇上疫情,晚市即時變陣做私房菜~位於灣仔W square 4樓,大廈裝修新淨,夠哂格調。門口位置擺放幾個大魚缸可以看到新鮮海鮮,室內裝潢走摩登中國風 ,以深紫紅色配深色傢俱,綴以燈籠及中式鼓, 座位以特大卡座為主 ,設有數間獨立房 ,感覺高級雅致。餐單有9道菜,有鮑翅肚,很豐富得體。每道菜都是一道一道、每人一份的上菜,減低了同桌食飯交叉感染的風險。先來的是日式溫泉蛋,滑溜滑溜的。再來是金湯花膠燴生翅,橙紅色的湯底是南瓜雞湯,味道濃,翅是一梳梳的落足料!花膠爽彈。然後冰鎮清酒鮮鮑魚是呢晚我最喜歡的!凍鮑魚彈牙入味,又夠晒大隻,連個蘿蔔都好好食,入口無渣清甜。進入主菜部份,黑醋咕嚕肉是條狀的,肉質爽口彈牙,酸酸甜甜。卡邦尼汁露筍伴帶子,帶子都幾大粒,為此餐中餐加點西餐元素。頭抽金菇牛肉片有芽菜、金菇、蔥、和薑絲墊底,牛肉令人印象深刻!一吃便知是靚牛,呢度果然係做高級火鍋的地方🤣然後就是蔬菜類了,鮮茄野菌泡菜苗,還是用去皮番茄中裝著溫室豆苗呢,擺盤顯出心思。最後就是手打稻庭凍烏冬了,吃完真的會很飽足,相信男士都夠食。最後還有芝麻糕作甜品,質感偏硬,唔會太甜。我覺得呢度是請客好地方,環境和菜式都夠體面! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-09
584 瀏覽
🥢灣仔抵食花膠翅冰鎮鮑魚晚市套餐🥢因應這個時期的情況,好多火鍋店都轉型做埋中菜,之前生日時食過好好味的環境裝修型格舒適的圃鍋,而家晚市推出中菜套餐,連甜品一共九個 course ,有花膠翅仲有我至愛的冰鎮清酒鮑魚,真心覺得有驚喜🥢日式溫泉蛋溫泉蛋的溫度控制得很好,入口即溶,蛋黃充滿濃厚的蛋香,配合日式醬油,清爽又開胃🥢金湯花膠燴生翅金黃色的金湯花膠翅,睇個樣都知道好味,濃厚的鮮味充滿口腔,鐘意🥢冰鎮清酒鮮鮑魚我最欣賞這裡的冰鎮鮑魚,用上清酒及日式醬油去調味,肉質軟骨口感細膩,散發陣陣清甜味道,伴以日本關東煮感覺的蘿蔔,蘿蔔入口即溶,清甜無比🥢黑醋咕嚕肉精緻小巧的黑醋咕嚕肉,上檯夾起時醬汁仲可以拉絲的,係好考師傅的功力,醬汁口感外脆又帶點煙韌,酸甜適中🥢卡邦尼汁露荀伴帶子露荀新鮮爽脆可口,伴以卡邦尼汁的帶子,卡邦尼汁的白滑加上帶子的鮮甜就像雙重享受🥢頭抽金菇牛肉片第一啖是很中式的蒸魚醬油感覺,之後將牛肉金菇芽菜一起食,又是另一種感覺,頭抽的香氣令牛肉金菇香氣芽菜的爽脆口感發揮出來,令味道更上一層樓🥢鮮茄雜菌泡菜苗很可愛的蕃茄盎,滿載奶白色的高湯及白玉菇豆苗,可愛度加分🥢手打稻庭凍烏冬冰凍清新的凍烏冬,欣賞廚師用上新鮮研磨的芥末,使日式醬油可以完美的作結尾🥢黑芝麻布丁 很香芝麻的香氣,偏向結實的口感,感覺不太甜很不錯🥢以這個價錢食到中日 fusion fine dinning 的感覺,真心覺得抵食,由其覺得呢到的清酒凍鮑魚同花膠翅很出色🥢原來午市仲有 $65 堂食套餐或外賣自取, 下次lunch 要再來試下,順帶一提值得一讚係每位客人都會送酒精搓手液一包,仲有個紙袋俾你裝口罩,真係抵食又貼心🥢春風得意晚市套餐2 人起 $788 人均$344 (需加一及茗茶)圃鍋 灣仔軒尼詩道314-324號 W Square 4樓 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-28
222 瀏覽
面對突如其來嘅疫症,餐廳都要轉陣,呢間本身做火鍋🍲嘅圃鍋,最近晚市就推出中菜套餐,由前菜食到落甜品,一共九個course,就好似食緊一個中日fusion嘅fine dining 咁呀🍽.1️⃣日式溫泉蛋🥚 - 個蛋黃做得夠流心2️⃣金湯花膠薈生翅 🥣- 個湯真係金厚色架,湯嘅質地好質色,仲好足料,啖啖都食到好多花膠同翅呀3️⃣冰鎮清酒鮮鮑魚 - 鮑魚爽口彈牙,白蘿蔔清甜,最特別係料車厘茄,係浸左話梅味架4️⃣黑醋咕嚕肉 🐖- 平時咕嚕肉嘅酸味係用白醋,今次就轉左用黑醋,醋味更特出5️⃣卡邦尼汁蘆筍拌帶子 - 帶子煎過更香口,帶子鮮味亦冇俾卡邦尼汁完全覆蓋6️⃣頭抽金菇牛肉片🥩 - 呢個一食落個味道有蒸石斑嘅感覺,因為用左薑蔥同頭抽,幾特別7️⃣鮮茄野菌泡菜苗🍅 - 呢個個湯係奶白色,夠鮮,不過就咁食菇嘅話話冇乜味,可以炒過會惹味啲8️⃣手打稻庭凍烏冬🍜- 好日式嘅style,有蕎麥面嗰個汁,仲有wasabi9️⃣黑芝麻布丁🍮 - 係我最愛嘅黑芝麻,不過今次就由卷狀變左做糕.呢個中菜套餐真係有驚喜又好味呀😋佢地而家仲有$65午市堂食套餐或外賣自取,仲送酒精搓手液一包,抵食又貼心🥰 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-26
241 瀏覽
中午去開灣仔就去左圃鍋食午餐!去到先知有外賣優惠,自取只係$65仲送口罩同洗手液😱 問一問店員,佢話堂食都可以送埋俾我。見位置鬆動,人亦不算多,同朋友坐低試一試。我叫左黑醋黑豚肉($88),朋友叫左蜂蜜柚子明蝦球($88)。兩個餸都包埋湯同飯,酸酸甜甜,十分開胃!黑醋黑豚肉完全唔肥,食落脆口,個人事分推薦👍🏻朋友食既蜂蜜柚子明蝦球炸得出色,唔厚炸粉,食落唔會成口油。兩個餸都好好送飯!雖然有收加一茶芥,不過食滿$100減$35!埋單都係約$150,呢個質素同環區算好抵! 繼續閱讀
(以上食評乃用戶個人意見 , 並不代表OpenRice之觀點。)
想搵個地方同屋企人或朋友聚餐/慶祝節日 不妨考慮呢間位於灣仔既上等火鍋店😚 雖然定價唔平 但食物環境各樣嘢確實對得住個價!🌟_{海鮮龍蝦鍋 $168 🦞}今次黎就試左呢個海鮮龍蝦鍋 只需$168位 就包大大隻龍蝦&鮑魚&蜆 同埋北海道3.6牛乳/酸辣湯底😻海鮮份量唔單止慷慨 仲要款款都意想不到地新鮮!龍蝦肉質緊緻彈牙 蜆肉肥美鮮甜 鮑魚彈牙唔韌 👍🏼小編揀既牛乳湯底同樣冇得彈 整鍋湯充滿乳香 更顯食材既鮮甜!入面仲加入枸子 桃膠 紅棗 感覺特別養生🥰_{特級和牛拼盤 $368 🥩}打邊爐點少得牛肉?😈拼盤包括A5和牛 本地手切牛 同安格斯牛柳粒~ 一次過滿足晒三個願望!和牛口感軟嫩 充滿油脂香 而本地手切牛則帶點咀勁 肉味香濃 各有各特色😚_另外既配料都非常之唔錯 尤其推介:👉🏼清酒黑豚肉 ($188):黑豚肉肉質軟嫩就不在話下 呢個既特別之處在於佢浸過清酒 所以食落有好明顯既清酒香 非常特別!😻👉🏼餃子拼盤 ($88):拼盤包括有雲吞 水餃 韭菜餃 菜肉餃~ 每款都好足料 餡料新鮮飽滿 餃子皮亦厚薄適中 非常滑溜👍🏼👉🏼炸響鈴 ($48):又一打邊爐不可缺少既配料!呢個響鈴口感酥脆 充滿油香 唔錯唔錯😚_呢度唔單止食物高質兼大份 (最後仲有甜品送!真係飽到捧住個肚走🤰🏻) 服務態度仲非常之好 環境亦好舒服 (最神奇既地方係打完邊爐 個身完全冇味!證明通風&抽煙做得好好👍🏼)值得一試喔!啱晒同一班朋友/屋企人一齊一邊打邊爐一邊飲啦😻 繼續閱讀
(以上食評乃用戶個人意見 , 並不代表OpenRice之觀點。)