Aurora Fusion Restaurant (已結業)

喺尖沙咀搵到呢一間幾有feel嘅fusion菜🤪佢哋有露天嘅area，亦都有入邊嗰啲舒適嘅卡位。餐廳裝修幾燈火通明，感覺舒服。員工嘅服務態度亦都好好，好有禮貌同埋友善，介紹左當日推介嘅食品，令我哋點菜嘅時候更加能夠點到想食嘅嘢~餐牌上面嘅款式都幾多，感覺就係日式同西式嘅fusion菜，鍾意食壽司，刺身或者西餐嘅都可以嚟試吓😉我哋叫咗一支清酒，而且係熱上。非常滿意呢間餐廳有得叫熱嘅清酒。有一個大木桶裝住，感覺好傳統。清酒嘅味道亦都好純好易入口，越飲就越覺得清甜，相當高質，亦都推介大家試嘅！輕熏薄切帶子配海膽魚子醬賣相一流，簡直打卡專用。打開個蓋feel到嗰啲煙走咗😂🌪帶子幾香口，亦都好清甜，感覺到材料好新鮮。另外配上魚子醬、金箔同埋海膽，更顯食材嘅珍貴。上級壽司拼盤加咗火炙嘅上級壽司拼盤簡直超高質，賣相見到師傅好有心思。佢用咗赤醋去做，令到個飯嘅酸味可以輕柔而且平衡。材料新鮮，而且大大嚿，一次過滿足左我想食各種魚生嘅願望🤩另外食咗當日推介嘅大蜆真係非常之大，好少食到咁大隻嘅蜆。重點係個蒜蓉包超級高質，我未食過咁好食嘅蒜蓉包😂😂😂又熱，塊包又重牛油味又香，亦都食到好濃嘅蒜蓉味。