影片
更多
2016-03-20
231 瀏覽
成班朋友傾偈講開大家都未食過蒸氣石鍋，大家當然盡快安排左一餐。係尖沙咀搵到一間位置方便大家既餐廳。呢度主打蒸氣石鍋，火鍋同私房菜，所以食物選擇好多。呢度既賣點係"鍋"，鍋底做蒸氣，溫度可以達到180度，之後可以揀粥或者湯底，上面蒸海鮮食。餐廳做到每枱一人專門服務，非常貼心，又唔怕自己唔識每樣食物蒸既時間。首先職員將整個鍋底，放入南瓜，雞同米，令到佢之後可以將上面食物既精華溶入南瓜雞粥入面。招牌拔絲咕嚕肉呢個屬於小菜類，但見到"招牌"二字當然要試。果然"招牌二字絕非虛名。咕嚕肉口感特別，非一般食開既感覺。首先會食到外層脆皮既口感，再會食到中間既肉好爽口，而且味道適中，不會過淡過濃。另外碟上又有橋頭，味道清新，可以沖淡味道，再食其他野。黑松露蒸蛋即叫即蒸，未食已經聞到黑松露味。蛋入口好滑，黑松露味道溫和，同埋蛋一齊食，剛柔並重。蒸蜆好快已經蒸到開左口，試一試d汁，有少少鮮既咸味，蜆肉又滑又爽口。鮑魚鮑魚上面放左蟲草去蒸，食既時候可以嚐到鮑魚最鮮既一面而又唔駛用鮑魚刺身韌口既方式。扇貝用左辣椒同埋蒜一齊蒸，如果唔食得辣既朋友記得先將辣椒令走再食。而我食得辣就覺得佢呢個辣度好好，加上少少蒜，刺
係尖沙咀搵到一間位置方便大家既餐廳。
呢度主打蒸氣石鍋，火鍋同私房菜，所以食物選擇好多。呢度既賣點係"鍋"，鍋底做蒸氣，溫度可以達到180度，之後可以揀粥或者湯底，上面蒸海鮮食。
餐廳做到每枱一人專門服務，非常貼心，又唔怕自己唔識每樣食物蒸既時間。
首先職員將整個鍋底，放入南瓜，雞同米，令到佢之後可以將上面食物既精華溶入南瓜雞粥入面。
招牌拔絲咕嚕肉呢個屬於小菜類，但見到"招牌"二字當然要試。果然"招牌二字絕非虛名。咕嚕肉口感特別，非一般食開既感覺。首先會食到外層脆皮既口感，再會食到中間既肉好爽口，而且味道適中，不會過淡過濃。另外碟上又有橋頭，味道清新，可以沖淡味道，再食其他野。
黑松露蒸蛋即叫即蒸，未食已經聞到黑松露味。蛋入口好滑，黑松露味道溫和，同埋蛋一齊食，剛柔並重。
蒸蜆好快已經蒸到開左口，試一試d汁，有少少鮮既咸味，蜆肉又滑又爽口。
鮑魚鮑魚上面放左蟲草去蒸，食既時候可以嚐到鮑魚最鮮既一面而又唔駛用鮑魚刺身韌口既方式。
扇貝用左辣椒同埋蒜一齊蒸，如果唔食得辣既朋友記得先將辣椒令走再食。而我食得辣就覺得佢呢個辣度好好，加上少少蒜，刺激味蕾。
聖子用左大量既蒜去蒸，蒜香味濃。
象拔蚌蒸既時候放左蒜蓉粉絲，食既時候除左食到鮮味既象拔蚌，仲有淋身既粉絲，口感豐富。
蒸完海鮮終於可以食下個粥，吸收晒之前蒸海鮮既精華，而且經過長時間處理，粥已經煮得好綿，咁樣既煮法比平時就咁食既粥更鮮。
最後店員送上紅豆糕，初時都冇諗過影底，但係食左一啖之後發現佢幾好食。紅豆糕夾起時，完全唔會散，而且口感實在，紅豆有咬口。估唔到蒸氣同舌尖都可以發生關係。
張貼
