明記雞雜粥 (已易手) 新餐廳

昨天黃昏在太子旺角行左咁耐,只搵到美味蛋撻一件,其他都不對胃口,仲要行行下街無啦啦俾個三四十歲麻甩佬撩,問可否做個朋友(難道我似出做那d女咩?!),真有夠驚嚇!其後想起好耐都無去過廟街,究竟食燒味飯好,還是雞粥好,後來想過都係去食粥.仲記得廟街的粥可以要好多料,我叫左滑雞同雞腸,仲貪得意要埋雞子.滑雞似乎唔夠滑,可能係雞胸部分,雞腸好爽口,一條條幾有口感,而雞子無想像中咁滑,唔知係咪食唔慣啦.今次行廟街,發覺變左好多,以前有對公公婆婆開檔賣油渣麵,已經沒了,幸好發覺還有好味的豬骨粥,等我下次有機會再去食先!