蓮香樓 (已易手) 新餐廳

為了一嘗舊式茶樓風味; 昨天星期六專誠約埋亞爸亞媽去中環蓮香樓茗茶, 我們四人在11時左右到達,全場已坐滿茶客,亦有好多旅客添,我們坐那張檯細細的,居然可以坐8個人(包埋我地),如果要睇報紙,我想無可能了,如果在其他酒樓,張檯只係細檯,最多都係坐4個人,講真坐得唔係好舒服,點心亦要自己去搶,但係點心同D茶真係唔錯,我地食了馬拉糕,豬肚燒賣,豉汁蒸膳,牛柏頁,排骨,蓮蓉包,蝦腸,棉花雞,我地都覺得好好味,而D普洱同香片都好好飲,但我地要茶盅,經常要伙計叔叔加水,都幾麻煩,埋單仲喜出望外添,一百二十幾元,平時我地飲茶都成兩百元先可以落樓啦!下次去開香港果邊都要再去食過