金記冰室 (已搬遷) 新店位置

8-11-2009陪朋友到太古城問 d 嘢, 失敗後搵地方飲杯嘢. 唔想幫襯連鎖店, 又記得西灣河尾有間舊式冰室未去過, 又拉了朋友上叮叮過嚟坐吓.Lunch 仲未落格, 多士都食唔落了, 一人只叫了一杯熱奶茶 ($9)... 色水幾吸引, 飲落茶味 vs 奶味約 7:3, 質感滑溜, 好飲喎 唯一唔好就係飲完之後個口好似有點酸, 唔知點解? 而朋友喜歡飲「奶」一點的奶茶, 佢就覺得太「茶」...冰室衛生不敢恭維 (好在椅背上隻曱甴係 "mind your own business" 類!), 環境內外一樣舊到無輪, 連檯上 menu 都「古董」過人, 食店電話號碼竟然係 6 個 digits!? 招呼就夠晒街坊 feel, 果然係老冰室.一杯奶茶 $10 有找真係好耐無見過, 冰室喺香港亦真的買少見少, 不過我應該唔會再來了... 還是覺得海安 (http://www.openrice.com/restaurant/commentdetail.htm?commentid=1870778) 好.