影片
更多
2010-08-07
33 瀏覽
呢晚約好１９點去瓊華＜麻布茶房＞食飯的，出到旺角又好唔好彩地遇著狂風大雷雨，係地鐵站內更實施人潮管制，咪就因為Ｄ人塞哂係地鐵出口唔出避雨囉，都唔知避乜鬼野！？都要行架啦，一係調頭唔好阻住個地球轉啦！！！幾經迫迫拱終於都上到地面，上到＜麻布茶房＞已經１９２０了，已經見到友人坐正係到了，即刻入去睇Menu點餐先，我當然睇都唔使睇一定要食我的至愛《宇治金時刨冰》囉~~呵呵呵之後再點多３個小食，佢地每人各１碗麵，食完後再來一個甜品。今次去＜麻布＞呢，發覺係全新Menu喎，增加咗好多新野，不過都係麵食較多，如果小食類也可以增加多Ｄ就好啦。第１款上枱的就係我《宇治金時刨冰》喇，雖然雪糕已熔熔地變了IVY，不過外表依然吸引，食到尾更覺紅豆量多了，唔通係因為加咗＄２而多咗紅豆？不過我都一直覺得瓊華＜麻布＞係九龍新界區最好的一間，好嘅意思係指味道與外表喎，佢出菜係可以同Menu中的相片有９成似，讚！！之後到《芝麻醬菠菜》，呢個話係新野嘅話又未算，其實呢個出品之前已經有差唔多的食品出現，唔同嘅係今次係３舊野，而以前係一堆囉，味道其實係一樣的，量就少過以前囉，不過都好食。再到嘅係阿Sir點的《蕃茄玉子海老拉
幾經迫迫拱終於都上到地面，上到＜麻布茶房＞已經１９２０了，已經見到友人坐正係到了，即刻入去睇Menu點餐先，我當然睇都唔使睇一定要食我的至愛《宇治金時刨冰》囉~~呵呵呵
之後再點多３個小食，佢地每人各１碗麵，食完後再來一個甜品。
今次去＜麻布＞呢，發覺係全新Menu喎，增加咗好多新野，不過都係麵食較多，如果小食類也可以增加多Ｄ就好啦。
第１款上枱的就係我《宇治金時刨冰》喇，雖然雪糕已熔熔地變了IVY，不過外表依然吸引，食到尾更覺紅豆量多了，唔通係因為加咗＄２而多咗紅豆？不過我都一直覺得瓊華＜麻布＞係九龍新界區最好的一間，好嘅意思係指味道與外表喎，佢出菜係可以同Menu中的相片有９成似，讚！！
之後到《芝麻醬菠菜》，呢個話係新野嘅話又未算，其實呢個出品之前已經有差唔多的食品出現，唔同嘅係今次係３舊野，而以前係一堆囉，味道其實係一樣的，量就少過以前囉，不過都好食。
再到嘅係阿Sir點的《蕃茄玉子海老拉麵》，好大碗好靚仔呀！同Menu裡的相片真是一模一樣，阿Sir都話好食！
後到《芥末鮮蘆筍豆腐沙拉》和《六色芝麻醬冷麵》，豆腐沙拉以前都食過，都係咁上下啦，冇乜特別仲係咁細碟囉，係擺放得靚靚而已。
至於個《六色芝麻醬冷麵》我只食咁蕃茄同蝦，因為我最唔鍾意食中華拉麵同芝麻醬呀，所以就算係冷我都唔會食咯，唔知好唔好食喇？不過好友都食哂，應該都ＯＫ吧！？蕃茄好新鮮咯~
最後到《芝麻金鎗魚》，係點菜時見到３０幾銀得５小舊都幾貴架，不過上到枱食咗舊之後又覺得好ＯＫ喎，我食咗３件呀！係最後一件更挑哂Ｄ白芝麻，原來係更好食的，因為初時食第一件感覺心感有Ｄ怪，到食第２件點埋芥辣又好食Ｄ喎，不過原來係最後挑哂芝麻加芥辣係最好食嘅，的確唔錯！！
最後上枱係阿Sir的《燒蕃薯霜淇淋﹣芝麻南瓜》同好友的《梅酒沙亞》
阿SIr個燒蕃薯原來真係熱架喎！我真係而家先知咋，唔怪之得唻到時Ｄ雪糕熔熔地啦，不過阿Sir都話好食。
係好友杯《梅酒沙亞》就過甜喇......真係好甜呀，係日本綠色樽的梅酒加甜版囉。
最後傾傾食食到２１２０就埋單散喇，埋單時原來用恆生Card簽賬可免收加一添，最後只係＄３４０咋，GOOD！！
小食：
❶芥末鮮蘆筍豆腐沙拉 ❷芝麻金鎗魚（New）❸芝麻醬菠菜（New）
主菜：
❶蕃茄玉子海老拉麵（New）❷六色芝麻醬冷麵（New）
飲品／甜品：
❶宇治金時刨冰(配白蜜) ❷燒蕃薯霜淇淋﹣芝麻南瓜 ❸梅酒沙亞
張貼
