26
28
29
開飯介紹
來自日本的日式西餐廳始創於1979年，食材直接從日本進口，例如用上北海道紅豆、京都宇治綠茶等。
繼續閱讀
營業時間
星期一至四
12:00 - 00:30
星期五至六
12:00 - 01:30
星期日
12:00 - 00:30
以上資料只供參考, 請與餐廳確認詳情
招牌菜
夏日炎炎, 最好就係0係冷氣地方嘆雪糕~呢日去到麻布茶房食TEA, 坐低之後服務員即刻奉上好香濃既綠茶--呢個絕對唔似出面日本餐廳好HEA既茶包茶, 好明顯係用綠茶粉既!!!之後揀左個下午茶既燒蕃薯霜淇淋.個賣相同MENU既一模一樣!, 順住由上到下一匙有哂糖漿, 雪糕, 同蕃薯, 入口唔算太甜膩! 可能係個蕃薯唔太出味既關係~第一啖食時好似食緊蛋糕咁不過個蕃薯如果再熱D, 雪糕再凍D就好喇, 而家個雪糕用秒速地溶化, 個蕃薯又未做到冰火既感覺..不過勝在服務員態度非常抵讚!不斷幫你加茶又唔黑面
繼續閱讀
雖然在旺角區工作左幾年, 不過, 今次係第一次去呢間食店食lunch, 點知食到一肚火, 簡直背脊骨落, 我唔想係度批評佢地, 但係, 真係忍唔住!!!食飯時間, 以為會好多人, 不過, 又覺得自己一個人食飯, 應該唔駛點等位, 上到去, 間食店唔多人, 食客唔多, waiter又唔多, 已經有點奇怪, 開始扣分, 之後waiter帶我去坐卡位, 都幾好, 但係, d sofa爛溶溶, 又再扣分!坐低睇menu, 叫左個漢堡扒蕃茄湯拉麵餐, 之後再加個餃子蝦小食, 隔左一陣, 個小食先來到, 暖暖地, 無咩特別~~ 精彩時間就係在呢度, 我一路玩iphone, d時間就一路走左, 隔左好耐(都起碼20-25分鐘), 碗拉麵仲未到, 而同一時間, 斜對面有個食客, 都追緊個麵, 我就順道追埋waiter, 我同個waiter講, 我都等左好耐, 碗拉麵都仲未到!!! 又隔左一陣, 終於個waiter拎住個好大隻碗既拉麵放在我對面位, 當時已經好嬲, 一來等左好耐先送到, 二來, 真係好想鬧個waiter, 我對面有人咩? 做咩擺碗麵在對面位? 聲都唔聲下, 就放在對面位既抬面, 呢樣我都算, 到我食完碗麵, 杯餐飲(凍檸茶)都仲未到, 第一次追個waiter, 佢聽完就走左去, 我唔知佢有無同我跟單, 之後我又繼續玩iphone, 又隔左一陣, 杯野仲未到, 我已經又再嬲嬲地追單, 我同個watier講, 你地無師傅沖野飲咩? 杯野飲咁耐仲未到, 成半個鐘多d啦!!! 之後佢聽完又走左去, 我已經等到好唔耐煩, 黑晒口面, 好想鬧爆佢地, 點知杯野飲都仲係未到, 今次真係要大動肝火, 又叫個waiter來, 黑住面鬧佢, 我話杯野飲好難沖咩? 成9個字都仲未到, 有無攪錯? 之後杯野飲就來到, 我已經嬲到震, 個waiter話, 唔好意思, d單jam住晒, 聽到呢句真係好不知所謂, 離晒譜, 食客唔多, 已經jam晒單, 如果成個場坐滿, d單可想而知係點? 搵藉口都搵個好d, 仲有呢度d waiter唔會留意d食客情況, 是是旦旦咁做野, 難怪咁多食評都係咁差!!相信經過今次的經歷, 我以後都不會再來這間食店, 無進步的食店!!!
繼續閱讀
見到網上有麻布茶房團購，我對佢啲甜品最感興趣，平時見佢哋一個甜品最底消費也要廿幾、三十元，今次團購套餐，包括了餐湯、小食、主食、甜品及飲品也是$98，所以抱着試吓無妨的心態。普普通通，無乜特別。幾好不油膩。覺得越飲越淡。個碗夠大，但實際質量就少咗啲!啲飯夠熱，但是啲飯太黏食到近鍋底的飯焦非常厚，飯焦下可見很多油。果然這裏最值得一讚都係甜品。雖然蕃薯加冰淇淋有它的創意，但感覺都是有點怪怪的。以 $98 (團購價) + $21( 加一服務費以原價計算) / 每位，咁嘅價錢試過一次就巳經足夠，如果是以原價計算更加不會再來。
繼續閱讀
之前黎過都覺得OK, 記得有網燒所以想試下今次黎到見門口冇人等都覺得古怪....打開MENU少左好多選擇, 冇左網燒又冇左屏屏麵!!所有意粉停售!?得返好少選擇....叫左個炒牛柳定食+ 豬扒焗飯炒牛柳定食 - 牛柳算OK正常, 三文魚飯團原全冇味, 個湯勁淡 (明顯加得太多水)豬扒焗飯 - 好濕....唔係焗飯黎家咩?! 好酸! D飯好爛.....原本想叫雪糕但見到D食物質素咁樣....都係放棄喇...
繼續閱讀
因為有排都未睇戲又餓,去左食麻布...唔駛等位,入到去....首先我朋友叫左個烏龍面同雪榚,我諗唔到所以未叫.....過左陣我再叫咖哩漢堡飯....結果等等等等等.....佢來錯左個飯,唔緊要.....之後等多陣,竟然第2次叫ge野早過第1次叫ge到...okay...咁就繼續等....超過20分鐘都未到-.-.....催單.....結果再等多陣先有個雪糕....一齊叫ge我地都會預左雪糕早過主菜到,,,但係又再等左好耐食完哂雪糕...個面都未到...想點呀!?催第2次單..又話整緊= =.......開始鼓譟.....到個面到啦...個碗係就係好大...但係份量唔多....個湯淡到懷疑佢溝水.....湯淡但入面ge菇激甜="=....再講番個咖哩,,,隻味ok個蛋都ok,幾滑...但個漢堡本人覺得麻麻....不過不失....而雪糕就明顯少過新世紀個間...不過雪糕呢d野好難失水準...
繼續閱讀