影片
更多
2020-11-20
1389 瀏覽
今晚應朋友邀約，去咗觀塘鴻圖中心一間以鴨仔做主題嘅冰室「The Ugly Duckling」吃晚飯，據說店子主打丹麥菜同西餐。餐廳位於「愛琴坊」中庭，店面地方頗大，門外天花掛咗隻鵝黃色嘅可愛鴨仔，離遠已經望到，大大隻、超巨型，好搶眼！至於室內裝潢亦很特別，充滿懷舊色彩，除了有情侶最愛的沙發卡座外，近門口仲放咗部留聲機，配上傳統紅白格仔檯布，令人有種重拾往日花樣年華的感覺，晚市嘅餐牌只有一張，食物選項都算豐富，供有 14 款，定價由 $50-$138 不等，+$5 可配是日餐湯或沙律及咖啡或茶。我哋揀咗兩個套餐，慢煮雞胸燒南瓜雜菜沙律 ($50) 同 鴨仔鐵板什扒 ($128)。是日餐湯為薯仔忌廉湯 (+$5@)，湯身上桌時仍熱辣辣，入口滑溜 Creamy，健康又美味。兩款主菜接著送上，先吃雞胸燒南瓜雜菜沙律，雞胸肉以慢煮方法烹調，食落非常嫩滑，入口啖啖肉。沙律菜新鮮爽脆，南瓜有輕輕燒過，入口充滿南瓜的甜味，清香得來又帶點軟糯。其他配料還有紫洋蔥、粟米粒、車厘茄、青瓜等，撈埋個沙律汁一齊食，好醒胃。至於個鴨仔鐵板什扒用料亦非常豐富，有牛扒、豬扒、雞扒同司華力腸，墊底仲有椰菜、紅蘿蔔和香菇
餐廳位於「愛琴坊」中庭，店面地方頗大，門外天花掛咗隻鵝黃色嘅可愛鴨仔，離遠已經望到，大大隻、超巨型，好搶眼！
至於室內裝潢亦很特別，充滿懷舊色彩，除了有情侶最愛的沙發卡座外，近門口仲放咗部留聲機，配上傳統紅白格仔檯布，令人有種重拾往日花樣年華的感覺，
晚市嘅餐牌只有一張，食物選項都算豐富，供有 14 款，定價由 $50-$138 不等，+$5 可配是日餐湯或沙律及咖啡或茶。
我哋揀咗兩個套餐，慢煮雞胸燒南瓜雜菜沙律 ($50) 同 鴨仔鐵板什扒 ($128)。
是日餐湯為薯仔忌廉湯 (+$5@)，湯身上桌時仍熱辣辣，入口滑溜 Creamy，健康又美味。
兩款主菜接著送上，先吃雞胸燒南瓜雜菜沙律，雞胸肉以慢煮方法烹調，食落非常嫩滑，入口啖啖肉。沙律菜新鮮爽脆，南瓜有輕輕燒過，入口充滿南瓜的甜味，清香得來又帶點軟糯。其他配料還有紫洋蔥、粟米粒、車厘茄、青瓜等，撈埋個沙律汁一齊食，好醒胃。
至於個鴨仔鐵板什扒用料亦非常豐富，有牛扒、豬扒、雞扒同司華力腸，墊底仲有椰菜、紅蘿蔔和香菇，材料疊到成兩吋高，份量十足，啱曬大胃王。牛扒味道唔錯，肉味濃郁又有咬口。雞扒比手掌還要大，肉質滑嫩，而且煎得甘香又不過膩。豬扒好厚身，入口軟腍不死實。
個扒餐仲可以揀配洋蔥汁、黑椒汁或蘑菇汁，同埋可以免費轉飯、意粉、薯條或薯蓉，選擇好豐富，正所謂，有得揀，先至係老闆。
餐飲點咗凍咖啡同雪糕可樂，食完飯，嘆埋杯飲品，慢慢坐，店員亦無催促我哋離開，整體服務不錯。餐廳不設加一，埋單只係 $203，十分抵食。
張貼
