影片
更多
2018-02-28
652 瀏覽
好耐都無同家中大帝撐檯腳啦，而佢又就快生日....所以呢晚一早book定檯，準備同佢二人世界下咁食餐好既，當預早食個生日飯啦打去訂位既時候，職員介紹依家餐廳會有廚師發板可以訂，既然話得同大帝食預早既生日飯，咁就一於食豪啲啦呢度既地方夠大夠闊落,加上一入去就已經見到不同既新鮮水產，環境同氣氛經已好唔錯既然order左廚師發板，咁就唔洗煩唔洗揀食咩，乖乖地坐低同大帝一齊等食啦-先黎既前菜三點已經有驚喜，賣相精緻之餘而中間既蝦肉爽彈，而香糯既南瓜蓉取化米飲而握成壽司狀，甚有玩味且味道清甜開胃而之後店員就為我地呈一大盆豐盛既刺身，當中有八款種類，每一款都甚有光澤，鮮味非常，當中厚切既魚生片都魚脂豐腴，就好似相中既深海池魚入口既鮮甜又肥美之後就到主食同熟食既部份啦，呢碟“甘鯛磷燒配海膽白酒醬”做得好出色連皮既魚磷燒至金黄脆口，完全唔會有任何un喉既感覺，而鯛魚魚肉鮮嫩，配以帶上微微酒香既海膽汁醬，更突出到魚肉當中既鮮甜，亦頓時加強左當中既味道同層次感其後就係呢個“葛煮蕪菁”，外表平凡如白色小球般既蕪菁，由師傅細膩既刀功介上花紋後，既可令美觀度加分外，仲可以讓當中既醬汁更徹底滲入其中食完呢個賣相的
打去訂位既時候，職員介紹依家餐廳會有廚師發板可以訂，既然話得同大帝食預早既生日飯，咁就一於食豪啲啦
呢度既地方夠大夠闊落,加上一入去就已經見到不同既新鮮水產，環境同氣氛經已好唔錯
既然order左廚師發板，咁就唔洗煩唔洗揀食咩，乖乖地坐低同大帝一齊等食啦
-
先黎既前菜三點已經有驚喜，賣相精緻之餘而中間既蝦肉爽彈，而香糯既南瓜蓉取化米飲而握成壽司狀，甚有玩味且味道清甜開胃
而之後店員就為我地呈一大盆豐盛既刺身，當中有八款種類，每一款都甚有光澤，鮮味非常，當中厚切既魚生片都魚脂豐腴，就好似相中既深海池魚入口既鮮甜又肥美
之後就到主食同熟食既部份啦，呢碟“甘鯛磷燒配海膽白酒醬”做得好出色
連皮既魚磷燒至金黄脆口，完全唔會有任何un喉既感覺，而鯛魚魚肉鮮嫩，配以帶上微微酒香既海膽汁醬，更突出到魚肉當中既鮮甜，亦頓時加強左當中既味道同層次感
其後就係呢個“葛煮蕪菁”，外表平凡如白色小球般既蕪菁，由師傅細膩既刀功介上花紋後，既可令美觀度加分外，仲可以讓當中既醬汁更徹底滲入其中
食完呢個賣相的骰可愛既蕪菁，味道類近白蘿蔔既清一清之後，跟住就係每一份既“荳喜之茨天婦羅”，炸漿薄而不油，魚肉嫩滑且甜，同樣係水準之作
接住仲有一大份準備用黎浜燒既“海鮮盛合”同“甲羅燒”等緊我地，海鮮盛合入面既生蠔、刀貝蜆同活鮑魚之外，仲有兩大隻有成掌心咁大既帆立貝添呀
每款海產都鮮甜滋味，而甲羅燒就濃郁而不膩，前者食到海產既天然清鮮，而後者就嚐到蟹肉混合蟹膏既鮮濃！！
食完一大輪鮮味十足既菜式之後，仲會有兩碗味道清清地野菜稻庭烏冬，即使大食既黑洞都洗怕唔飽，當中既稻庭烏冬口感爽滑，加上不同既蔬菜同雜菇，味道都唔錯啵
最後店方知道我係諗住同爸爸食慶生飯，喺送上甜品既時候仲為佢準備左個小驚喜添
-佢地仲會係上菜既時候為我地介紹當中既食材，咁就唔會自己食左乜都唔知啦
-
餐廳既食物新鮮有水準，店員既服務良好又貼心，環境又舒適，呢一餐預早既慶生飯，大帝都應該相當滿意啦
張貼
