影片
更多
2012-11-27
20 瀏覽
同朋友去完旅行，今天相約一起睇相，回味旅途中的樂事。因為預計了會坐好耐，所以要避免油尖旺等熱鬧地方，但又要方便兩人的交通(一個住荃灣，一個住上環)，係OpenRice見到呢間鋪有不錯的評分，我倆又有車直達，決定試一試呢間鋪啦！為了不要阻住佢哋做午市，所以我哋刻意約遲啲，大慨1:45pm去到，雖然已經係午市尾段，但依然坐滿人，幸好剛巧有一枱埋單，所以我哋只係等咗一陣。午餐大慨$48至$5x，包一個沙律和$18以下的飲品，因為唔太肚餓，而且2:30pm便有下午茶，所以我哋先叫咗個南瓜雞扒紅米飯($49)，到了3:00pm左右，再叫咗個豬扒飽($25)。餐飲要了凍榛子咖啡(跟餐+$5)和熱粟子咖啡(跟餐+$3)。個沙律係普通雜果沙律，無咩特別。本來想食南瓜先叫南瓜雞扒紅米飯，但個飯只有南瓜汁，無一件件既南瓜，有點失望 。不過味道就好味既，個汁應該係加咗忌廉或鮮奶之類既野一齊煮，唔會好傑但相對亦唔會有太濃既南瓜味。件雞扒既皮煎得好香脆，平時怕油唔食雞皮既我都忍唔住食咗小小，而件雞又唔會好乾好鞋，滑滑哋又有小小油汁，好味。份量方面都好足，雖然係兩分食，但每人可分到三件雞，啲汁亦夠撈飯食。個豬扒飽
為了不要阻住佢哋做午市，所以我哋刻意約遲啲，大慨1:45pm去到，雖然已經係午市尾段，但依然坐滿人，幸好剛巧有一枱埋單，所以我哋只係等咗一陣。
午餐大慨$48至$5x，包一個沙律和$18以下的飲品，因為唔太肚餓，而且2:30pm便有下午茶，所以我哋先叫咗個南瓜雞扒紅米飯($49)，到了3:00pm左右，再叫咗個豬扒飽($25)。餐飲要了凍榛子咖啡(跟餐+$5)和熱粟子咖啡(跟餐+$3)。
個沙律係普通雜果沙律，無咩特別。
本來想食南瓜先叫南瓜雞扒紅米飯，但個飯只有南瓜汁，無一件件既南瓜，有點失望 。不過味道就好味既，個汁應該係加咗忌廉或鮮奶之類既野一齊煮，唔會好傑但相對亦唔會有太濃既南瓜味。件雞扒既皮煎得好香脆，平時怕油唔食雞皮既我都忍唔住食咗小小，而件雞又唔會好乾好鞋，滑滑哋又有小小油汁，好味。份量方面都好足，雖然係兩分食，但每人可分到三件雞，啲汁亦夠撈飯食。
個豬扒飽只需$25已經跟埋飲品，所以唔會期望太大。開心既地方係侍應估到我哋會兩分食，主動話幫我哋將個飽切開一半，扺讚！
個飽上枱時只有一個飽，無蕃茄片青瓜片之類伴碟，飽內亦只有沙律醬和小許菜絲，但件豬扒有成1cm咁厚，以$25一個豬扒飽連$18飲品唻計，呢個飽絶無欺場。件豬扒同雞扒一樣，唔會好乾好鞋，滑滑哋但油汁唔多，合格。
飲品方面，我怕咖啡太苦所以要了甜甜哋既凍榛子咖啡，榛子味唔算濃，但榛子和咖啡的比例剛好，唔會互相搶去對方的味道，我覺得ok啊！但朋友話佢杯粟子咖啡無乜粟子味，下次唔會試。
呢日我哋係度坐咗4個鐘頭，我一直都留意住門口有無人等位，幸好我哋都無阻住人做生意。可能呢度有兩層，有好多位，所以不停有客人唻都唔駛點等位。
可能我哋坐咗係角落位，所以會靜小小，坐得好舒服。食幾十蚊野都坐咗幾個鐘，啲侍應都無黑面又唔趕客，食物同飲品都好多選擇，味道又好，原本對佢既評分都唔錯，埋單時發現佢原來無加一架，又再令我對佢加幾分。
我見到呢度晚市做西餐，價錢都唔貴，下次可以約朋友唻試吓。
題外話/補充資料：
呢間鋪唔係位處大街，確實要花點時間揾，但去過就好易揾。
首先去長沙灣郵政局，沿住長沙灣道向深水埗方向行，去到街口(即昌華街)轉左，向前行十幾步就去到一個街口，再轉左入細街，第二間鋪就係架啦！
(以上食評乃用戶個人意見 , 並不代表OpenRice之觀點。)
張貼