影片
更多
2017-06-21
108 瀏覽
小弟嘅母親大人生日喇，作為一個孝順仔，一定要比啲特別又難忘嘅驚喜佢！喺小弟嘅美女朋友介紹下，我決定帶媽咪去做一次公主！媽咪事前連邊度食晚飯都唔知㗎，直至到銅鑼灣，我先同佢講。登登登凳！就係呢間喺信和廣場嘅Princess Cafe，餐廳以公主作主題，所有裝修同佈置都好有公主嘅感覺，天花板有好多玫瑰花圖案，能夠襯托餐廳主題。到食野喇，我就同媽咪一人叫咗一個dinner set，我叫咗一個煙鴨胸配梅子汁，而媽咪就叫咗一個M9和牛配黑松茸菇。首先，一人一個starter，分別係黑松露溏心蛋同茄子沙律香脆蓮藕片。溏心蛋好特別，除咗係溏心之外，蛋上有珍貴嘅黑松露，為淡淡的蛋帶來味道！另外個蓮藕片賣相好靚，亦都炸到好似薯片咁脆，底下就係茄子蓉。下一個就來了一人一款小食，分別係藍青口配蒜蓉白酒忌廉汁同煎海蝦配小波菜。青口好大隻，又夠味；煎海蝦好貼心，廚師已經一早幫我哋剝哂蝦殼，食得出蝦肉有預先走油，因為好爽口！食完前菜，就係時候飲湯喇，呢個栗子清雞湯好特別，因為係一個好清嘅湯，一啲都唔會油膩，湯面仲有金箔！經過一大輪野食之後，餐廳好細心咁預備咗一個雪芭比我哋清下口腔，等陣再食主菜。主菜煙鴨胸配梅子汁
媽咪事前連邊度食晚飯都唔知㗎，直至到銅鑼灣，我先同佢講。登登登凳！就係呢間喺信和廣場嘅Princess Cafe，餐廳以公主作主題，所有裝修同佈置都好有公主嘅感覺，天花板有好多玫瑰花圖案，能夠襯托餐廳主題。
到食野喇，我就同媽咪一人叫咗一個dinner set，我叫咗一個煙鴨胸配梅子汁，而媽咪就叫咗一個M9和牛配黑松茸菇。
首先，一人一個starter，分別係黑松露溏心蛋同茄子沙律香脆蓮藕片。溏心蛋好特別，除咗係溏心之外，蛋上有珍貴嘅黑松露，為淡淡的蛋帶來味道！另外個蓮藕片賣相好靚，亦都炸到好似薯片咁脆，底下就係茄子蓉。
下一個就來了一人一款小食，分別係藍青口配蒜蓉白酒忌廉汁同煎海蝦配小波菜。青口好大隻，又夠味；煎海蝦好貼心，廚師已經一早幫我哋剝哂蝦殼，食得出蝦肉有預先走油，因為好爽口！
食完前菜，就係時候飲湯喇，呢個栗子清雞湯好特別，因為係一個好清嘅湯，一啲都唔會油膩，湯面仲有金箔！
經過一大輪野食之後，餐廳好細心咁預備咗一個雪芭比我哋清下口腔，等陣再食主菜。
主菜煙鴨胸配梅子汁同M9和牛配黑松茸菇出場喇，煙鴨胸唔會好乾，反而好juicy，個梅子汁好清新；M9和牛好大塊啊，唔韌，同個汁好夠味，幾夾！
是日壓軸登場嘅就係甜品喇，草莓仙子同士多啤梨脆脆，草莓仙子其實係一隻高踭鞋外型嘅甜品，真係好得意啊！士多啤梨脆脆外脆內軟，又唔會好甜，推介大家試下！
最後再埋咁得意嘅小熊熱朱古力，媽咪對今次公主餐讚不絕口，猶其個甜品！
小弟再次祝媽咪生日快樂！
張貼
