上品私房菜 (已結業)

作為屯門人o既我, 好日都唔會離開新界地區………今日撞正成TEAM人要到尖咀聽TALK, BOSS 跟手就BOOK左枱請我地大伙人去吃私房菜, 而大鄉里o既我只好跟大隊一行五人去品味生活下……
呢間私房菜位置都幾就腳, 出左B1 出口行兩分鐘就到, 連GOOGLE MAP 都唔使搵。上到去環境都唔錯, 私房菜老闆娘好好人介紹左幾道菜, 識飲識食o既BOSS二話不說就照單ORDER, 驚喜就此開始:

BOSS超讚! 因為佢話而家好少有機會吃呢D 地度湖南菜, 我地今次有食神! 全部都辣辣地, 豬耳仔尤其惹味, 不消十分鐘就已經全部被消滅…………

1

三個字可以形容: 夠鑊氣!!!! 簡單小菜但有不簡單美味!

呢個菜可以用”賞心悅目”黎形容, 有專人o係我地面前表演, 觀賞度滿分! 大廚李師傅話係用秘製酒黎整, 一食落口不單蝦肉爽脆, 蝦頭仲有淡淡酒香, 真無得頂!!!!

睇到幅相都已經知餓鬼同事們等唔切我影相就吔左DD, 呢個又係惹味之作, 個汁好味到不得了……..我用汁都撈左兩碗飯吃, 美味しい!

食家BOSS 話鮑魚蒸得好要考功夫, 識用果皮先係高手! 我吃左一舊先知BOSS o既意思………..原來果皮可以帶出鮑魚o個種鮮味, 唔使十分鐘又KO埋……..

最後有埋木瓜雪耳糖水潤一潤, 大滿足!!! 呢餐除左跟BOSS 學左不少飲食知識, 仲有就係好難搵到D 咁有水準o既餐廳, 下次同老媽子生日可以黎呢度氹下佢開心啦!!