上品私房菜 (已結業)

一星期前預訂咗呢間私房菜, 真係第一次試食, 估唔到都咁難忘, 因為訂位時先知係最後一天營業, 上到樓格局係住宅嚟, 一個單位分咗三間大房, 好住家FEEL , $340/人 包汽水免加一, 大白菜杏汁豬肺湯 -   成碗湯都好清甜, 好足料  黃金蝦 - 蛋黃又香又好味, 蝦肉好爽好新鮮花雕醉蟹蒸蛋白 - 賣相一睇就已經好吸引, 一陣陣酒香飄出, 蟹肉好鮮甜爽口椒鹽鮑魚 - 第一次咁食, 非常爽口, 比蒸更加好食蒸斑 - 睇嚟過火咗, 肉質唔夠嫩口炒鮮魷 - 成碟好濃蝦醬味, 成碟都好咸, 可能重手咗原隻糯米雞 - 麻麻地好味士多啤梨一字骨 - 味道係甜甜地, 但肉質好死好實又好鞋, 有啲瘦到咬唔開啲肉金銀蛋菜芯 - 唔算太突出, 普普通通杞子雪耳燉圓肉, 木瓜燉雪耳  - 兩款糖水都好清好潤總結 : 最好食既係海鮮類, 尤其蟹,鮑魚, 蝦都係其次, 不過好可惜冇下一次, 因為租約關係今晚已經係最後一夜, 好高興可以做到呢到既最後一圍客人

部門食飯揀左呢個就腳嘅上品私房菜， 睇睇菜單先: 1.准山杞子縲頭炖竹絲雞(每位加$20元)2.清蒸海班3.黃金蝦4.避風塘炒蟹5.椒鹽鮑魚6.上品糯米雞7.鮮冬菇蝦乾浸津白8.杞子圓肉炖雪耳或冰花紅蓮炖木瓜私房菜係尖沙咀商業大廈(但住家格局?約4間房另有大廳)， 我們被安排坐房內，內有電視， 冷氣開放。准山杞子縲頭炖竹絲雞: 天氣剛涼upgrade呢個滋補湯水，但雞腳上桌前最好剪腳趾啦不過個湯就係火候十足嘅，真材實料清蒸海斑: 真心係大酒樓質素!條斑新鮮不在話下，時間拿捏得準，魚肉真的只是剛剛離骨! 肉質鮮嫩，不消數分鐘可以清碟黃金蝦: 呢個黃金蝦每隻蝦都炸得香脆，沾滿炒得鹹香的蛋黃蓉。。。真係邪惡送飯食嘅神菜!服務員(國語)給我嚟碗白飯!避風塘炒蟹: 唉，本身好味架，不過爭少少辣味鋼鉗成梳肉架! 啖啖肉正椒鹽鮑魚: 鮑魚用椒鹽炮製真係第1次食， 避風塘炸蒜粒又係邪惡軸心! 服務員! 添飯唔該!Signature : '糯米雞'，可能我係炸子雞鐵粉，糯米雞肚藏糯米，煙熏過再包荷葉蒸。雞肉質少少淋，口感一般，糯米飯係香嘅鮮冬菇蝦乾浸津白: 去油嫩，希望罪惡感會消減私房菜嚟講真係中上之選

一家人最重要係齊齊整整，平平安安，所以有時都要聚餐見面，由於大佬之前吃過，所以提議來吃。呢間位於尖沙咀區內住宅的私房菜，佔地約500呎，大廈已經有50年以上，保養得不錯，走廊整潔。我們八個人被安排在80呎房間內。醉蝦-有位廚師臨場處理，他先用酒浸蝦，再點火，好香酒味，而蝦吸收了酒精更鮮甜。蒸班-肉剛好離骨，又有魚味👍花鵰蛋白蒸蟹-蟹好新鮮多肉，可惜我唔鍾意食。冬瓜煲螺片-清淡有鮮味。士多啤梨骨-排骨比較廋，只是加了士多啤梨汁，一般啦冬菇津白－用蠔油淋在鮮冬菇和津白上，冇特別。避風塘鮑魚-鮑魚唔硬，只係蒜味大濃。人均消費$350，以私房收費正常，味道中上。

蓮子銀杏瘦肉燉冬瓜入面有冬瓜,蓮子,銀杏,瘦肉,響螺,薏米.飲落冇咩味精,都幾似住家湯水.黃金蝦,外面包住一層鹹蛋黃,因為蝦殼已經炸到脆脆哋,幾乎可以成隻就咁食,咁當然要咬多幾下先吞啦.椒鹽鮑魚,已經將入面啲內臟清走,再起肉蘸漿油炸,食落唔韌,上面啲炸蒜蓉同辣椒令佢仲惹味.花雕蛋白蒸蟹,隻蟹嘅肉唔多,蛋白都幾滑溜,不過花雕味就好似濃得滯,搶咗蟹嘅鮮味.清蒸海斑,呢個就比較普通.糯米雞,我哋原本以為係平時食嘅普通糯米雞,點知係原隻雞包住荷葉蒸,入面就釀咗糯米.出到嚟先切開再加花生同蔥花.咁樣食原隻雞嘅糯米雞都係第一次,可惜個飯索咗好多雞汁,食落都幾濕,雞肉本身唔算嫩,明明係心機菜,但好睇唔好食. 士多啤梨骨,個士多啤梨汁酸酸甜甜幾消滯,唔錯. XO醬甜豆炒帶子,甜豆脆口,同帶子一齊食幾夾,不過有人就覺得個XO醬辣咗少少.最後仲有杞子圓肉燉雪耳,甜度對我嚟講岩岩好,幾清新.綜合嚟講OK,係糯米雞味道比較失色.

一路都鍾意周圍試唔同嘅私房菜, 因為成日食大牌子啲連鎖快餐店太悶. 可惜好多私房菜唔係要搭台,就要限時食. 終於...搵到依間食物質素好高嘅私房菜, 而且又唔洗搭台,又唔洗趕住交台比下一round, 依度正式成為我嘅私竇. 依度主打係食海鮮, 加上無味精, 啲野食煮完之後仲keep到食物鮮味, 加上個菜單好多選擇, 真係食幾多次都唔厭。同大家推薦幾款我嘅必食推介: 辣子雞(極讚讚), 士多啤梨骨(極讚讚), 大白菜杏汁豬肺湯(極讚), 美極蝦(極讚), 翠玉瓜雜菌炒帶子(極讚), 油鹽水浸蜆 (極讚), 木瓜紅棗糖水 (極讚) [ 啲味道我寫左喺相度, 記得click入去睇唷!]

話說又同朋友又出街食飯同海鮮控既朋友食飯通常都唔使驚無送食呢間D聖子 鮑魚 蜆又食過今次試下好耐無食過既螺啦點知有意外驚喜上既送都幾多有我地突登叫既辣酒煮花螺同枱仲有黃金蝦 即場燒既?玫瑰酒蝦?(忘記咩名~)酒味唔會好猛 第一次食有玫瑰花味既蝦 蝦味都無俾酒蓋過 OK啦避風塘炒蟹 好多肉椒鹽豬扒出現都唔出奇 因為朋友愛好所以突登要求煮既 味道正過平時茶記食開既仲有我最喜歡既 響螺花膠燉竹絲雞湯唔係講笑十個正 成枱朋友爭住飲好飲過我媽煲個啲湯我絕對想打包返去番煲再飲埋單每人幾百 但食到咁多野又任飲野飲糖水 都算抵食~ 

其實已經食過上品幾次, 仲有介紹比朋友因為覺得好好食, 而對上一次係2月時食過到冇問題, 水準保持到. 但剛剛早2日去食, 好失望, 直頭好似轉左廚師一樣. 一行9人, 杏汁豬肺湯冇問題, 好飲火焰蝦冇問題, 好食, 海斑冇問題, (條魚好新鮮既)蛋白蒸蟹....怪怪地豉油皇鮑魚, 好食糯米雞....怪怪地一字骨OK金銀蛋時蔬, 好食糖水OK, 不過唔夠熱.蛋白蒸蟹>>朋友食左啖蛋白話好似怪怪地, 當時大家冇理佢; 之後第2個朋友話隻蟹不新鮮. 當時到仲懷疑係咪真係有問題, 到第3個朋友食蟹到話隻蟹真係有怪味同D 肉有D"梅", 大家就開始夾起D 蟹聞下, 估計係兩隻蟹其中一隻蟹應該係有D 味, 之後叫員工來講下, 叫員工夾走一舊蟹試下, 轉頭另一員工入來話: 蟹係下午2點幾先買, 真係新鮮的冇理由有問題(我相信佢地真係新鮮買,但到吾代表隻蟹一定冇問題); 仲話師傅食完到話冇問題; 之後我地到表明吾係第1次食, 有比較就更易食得出,如果係想攪事就會食晒先同你講啦, 點會一開始就講呢? 之後到有叫該員工試食, 但該員工就話吾緊要, 話換另一樣野, 不過要睇下有咩料先, 最

差唔多到mother's day, 我家姐今次book左呢間私房菜同屋企人試下話比較抵食 最重要係汽水任飲 白飯任裝帶蛋糕紅酒上去都唔使收切餅同開酒費價錢親民d 亦滿足到無 不歡既爸爸但其實之後發現食送都好夠飽 唔使加飯個晚一開始就有一個燉湯, 入面有冬瓜銀杏同啲瘦肉個味同係酒樓食既冬瓜盅差唔多不過我就覺得呢度啲湯濃好多 就算無用冬瓜盅咁上入面啲材料都足 個湯係其他送未上都已經俾我地飲晒了！可能關夏天事太口乾 同我地全家都好鍾意飲湯之後黎既有糖醋魚，入面有松子青椒洋蔥係面我以前未食過糖醋魚，所以比較唔到不過條魚炸完之後都算滑　同埋甜酸汁唔會太酸之後黎既就有火焰蝦（好似係咁叫）佢會即場燒熟啲大蝦　個過程都幾有娛樂性個個都拎電話出黎影低佢近鏡掛住食唔記得影，都係一隻熟既大蝦不過就好大隻　食完又飽左ｄ，同埋入面食到有玫瑰酒既味道之後飽飽地就上埋避風塘炒蟹omg..隻蟹好大隻同多肉可能係我屋企人揀左小辣既關係 唔係好辣之後重點黎啦酥炸鮑魚!!我人生第一次咁樣食鮑魚好正同感覺好豪我自己之後都想係屋企試下整希望成功啦唔功就唯有返黎先有得再試啦士多啤梨骨 伴碟有我最鍾意既士多啤梨D一字骨好大條 外面

相識了二十多年的老朋友老同學從上海回來，在whatsapp中開了個群組糾眾欲攪一個Re-U聚會。一眾多年沒有見面的朋友馬上從各方八面浮上水，七嘴八舌的談了起來。在這個情形底下，這聚會欲攪不成也很難吧....儘管有好些老友記因事忙未克出席，但是夜亦能湊夠一圍檯。對一群已失散了多年的老同學來講這出席率已屬難能可貴....選擇落腳吃飯的地方當然就由我這饞嘴人決定。既然是老友聚頭的話，選一個私隱度較高的地方似乎是比較合適.....那就挑一間自己從未試過的私房菜店來吃吃啦....預早和負責人擬定好菜單，當晚點的吃的都是些蠻大路的粵菜。對我來說，吃甚麼是不太重要，能和好友聚舊吹水八卦一番，才是最要緊之事....一坐低便轉化為吹神的猛吹個不停，就連湯上桌也不知道....杏汁菜膽炖豬肺湯顏色看似雪白但杏香就稍嫌淡泊而且甜度也並非突出；菜膽就算是煲至接近完全爛掉也滲不出菜應有的甜味來。倒值得一讚是豬肺吃落無甚異味，附加的豬肚夠厚身但肉卻不韌，最多只是咬到一件是帶些微苦味，臨門一腳是撻Q了....美極蝦未嚐之前已嗅到美極醬油的濃香，入口亦的確一如所料鹹鹹香香的，實可下白飯三大碗 (但出奇地是夜沒有叫"靚仔

有同事離職, 今天訂了私房菜一同食飯, 這是我第一次吃私房菜, 竟是這麼美味~ 因今天有16人一同食, 所以不好意思拿出手機來拍照~ 今天的菜單有杏汁菜膽純豬肺湯, 清蒸海班, 湖南六小碟, 花雕蛋白蒸蟹,椒鹽鮑魚, 上品原隻糯米雞, 紅燒元蹄, 竹笙露筍炒帶子, 士多啤梨一字骨, 鮮冬菇扒津白, 杞子圓肉炖雪耳~豬肺湯非常清潤, 杏汁亦香, 海班及鮑魚也很新鮮, 最愛是那花雕蛋白蒸蟹, 蟹肉味鮮, 再配上花雕酒味及蛋白, 真是可用來伴飯或麵, 我真想喝光它~ 元蹄大大隻, 很入味, 肉質不硬, 雖然有層脂肪, 但因味道香濃, 完全不覺油膩~ 士多啤梨一字骨亦不錯, 估不到士多啤梨可以用來做菜, 感覺新鮮~ 其他菜類亦都有一定水準, 而且份量十足, 另外啤酒汽水任飲, 每人約$350, 這餐可算是抵食

同事推介o既私房菜，專門食海鮮的。海鮮很新鮮，師傅手藝好! 很滿意o既一餐。其實o個日kuma係有d唔舒服，不過食左d西藥之後，又遇到咁好味o既食物，真係愈食愈起勁! 我實在太為食..hahaha我地一行十人，被安排坐房。各方面都很好，若果要找一樣要彈o既野就係，房內o既空調唔太好。開得大又太凍，開得細又太焗。可以改善一下就perfect!最後仲有一個甜品 - 冰花紅連炖木瓜，清一清喉嚨，但太full lu...唔記得影相..hehehe

早在4月復活節家庭聚會時已約好了母親節的吃飯日期，過往我們曾經去過不同的酒樓，粵式的，北京上海菜都吃過，就決定試試私房菜，好讓母親大人感受一下私房菜的特色。考慮到家中小朋友們對某些食物的偏好，及地點等因素，最後決定來上品試試，其位置於地鐵站旁邊，十分方便，而且可以提供一個房間給我們，可以暢所欲言地慢慢品嘗食物。打去訂位後，店方翌日便很有效率地把菜單發給我，最後落實的菜單:1）杏汁菜膽燉豬肺2）美極蝦（可選火焰蝦或黃金蝦）3）花雕蛋白蒸蟹(可選避風塘炒蟹)4）椒鹽鮑魚(可選果皮蒸鮑魚)5）清蒸海斑6）上品糯米雞(可選脆皮芝麻雞)7）士多啤利一字骨(可選秘制醬燒骨)8）鮮冬菇扒津白(可選油鹽水蒜子浸時菜)9）竹笙露筍炒鮮奶10）杞子圓肉燉雪耳醣水(可選冰花紅蓮燉木瓜或蛋花杏仁露)另加每人一罐汽水，收費350, 免加一店方説平日約$320/位的，但母親節前後食材會漲價，所以多收每位$30,我們覺得是可以接受的。準時到達，位於一幢商住樓裡，有3個房間外，大廳亦放置了一張大枱。我們的房間還有電視機，小朋友們最開心，可以邊吃飯邊看電視。杏汁菜膽豬肺湯~湯裡透著濃濃的杏仁味，已教人讚嘆，材料亦豐足，

喺朋友介紹下, 終於都排到期黎食飯。由於今次我地GE組合有D新奇, 有好鐘意食海鮮但怕肥GE我同朋友甲, 有鍾意海鮮,愈肥愈好GE大肚婆準媽媽加佢老公, 仲有鐘意食濃味GE朋友丙同佢個仔。所以菜單真係要花D心思去揀下。依間餐廳服務好好, 幫我地改左好多次餐廳, 又提議我地試新菜式, 仲專登安排間細房我地坐, 靜靜地咁講下是非。今次我地五大一細, 前後總共叫左六個餸一湯一糖水，好抵食。首先有個大白菜杏汁燉豬肺湯，杏汁味好香好重，而且飲得出無味精，岩我地三姑六婆養顏, 而且豬肺無 so 味, 哈哈, 點少少辣椒醬再食，正爆。飲完湯之後, 就到招牌花雕旦白蒸蟹,(朋友推介一定要食). 果然無介紹錯, 旦蒸得超滑, 仲要好厚身, 蟹又夠份量。講真, 真係我喺屋企蒸咁多次旦, 無一次係滑, 仲有D老, 成日比老公話, 依個旦, 我真係無野講, 超好食, 而且花雕好香, 食欲大增。之後唔話得, 薑蔥炒龍蝦配伊面底, 先講個汁, 個茨剛剛好, 唔似街出面D餐廳同酒樓咁一pat鼻涕。主角龍蝦, 炒完都唔會老同un, 仲keep到好鮮甜, 同埋龍蝦大哥, 你好好肉地, 我地將D伊面撈埋D汁, 每人一大碟

而家搵間可以坐得舒服、唔催你埋單、可以自成一角嘅餐廳幾乎係無可能>< 所以今次2個墟(haha~6條女)決定走去試私房菜~同老細講好左budget$2百幾啦、人數啦, 佢就propose左個好吸引嘅海鮮menu啦*V* 第1次好期待呀!一上去老細就安排左間房俾我地~ 好闊落呀, 新裝修好乾淨, 有成排窗一D都唔局, 有電視tim~員工出入上菜都會how下門先入黎, 尼一part已經令我地好滿意!打頭陣係大白菜燉豬肺湯~一飲已經feel到真材實料，再畢埋一大碟湯渣黎食，無得呃人啦~豬肺超難洗，所以媽咪一路都係XX工坊買俾我地飲，D豬肺我食左一舊就以後blacklist左。但尼度D豬肺好新鮮，完全無果浸內臟味! 又有豬肚呀、白果呀~湯怪的我飲左幾碗跟住嘅花雕蛋白蒸蟹令我地嘩左出黎!超酒香~ 好大碟，但D蛋白竟然可以唔老，隻蟹又好好肉~有個fd敏感, 一食已經證明到夠新鮮，因為佢即刻口痕XDD但仍然忍唔住食多舊，好搞笑!跟住籠仔荷葉糯米雞，又搞到我地嘩嘩聲(老板娘可能已經頂我地唔順XD) 真係成隻雞入面塞滿左糯米飯~老板娘好細心咁幫我地湯開隻野 (掛住嘩唔記得影解體前個樣)

作為屯門人o既我, 好日都唔會離開新界地區………今日撞正成TEAM人要到尖咀聽TALK, BOSS 跟手就BOOK左枱請我地大伙人去吃私房菜, 而大鄉里o既我只好跟大隊一行五人去品味生活下……呢間私房菜位置都幾就腳, 出左B1 出口行兩分鐘就到, 連GOOGLE MAP 都唔使搵。上到去環境都唔錯, 私房菜老闆娘好好人介紹左幾道菜, 識飲識食o既BOSS二話不說就照單ORDER, 驚喜就此開始:最後有埋木瓜雪耳糖水潤一潤, 大滿足!!! 呢餐除左跟BOSS 學左不少飲食知識, 仲有就係好難搵到D 咁有水準o既餐廳, 下次同老媽子生日可以黎呢度氹下佢開心啦!!