肉搏食堂 (已結業)

今晚小妹修完甲之後約左朋友食飯, 經過厚福街見到E間餐廳好多人食, 見到個價錢又唔貴, 於是就入去試下!🌟玫瑰荔枝梳打🌹🍹梳打好重玫瑰同荔枝味, 入面仲有好多荔枝果肉, 味道清新爽利🌟朱古力曲奇沙冰🍫🍪🍧朱古力味幾濃, 味道唔算太甜🌟日本雞軟骨棒餃子🐔🥠餃子煎得幾香口, 皮脆餡多, 食落仲幾juicy!🌟角切魚生丼🐟🍚刺身粒份量幾多幾新鮮, 味道鮮甜, 桔穿隻蛋, 蛋汁從上而下流落嚟, 撈埋刺身飯一齊食, 層次感非常豐富!🌟香煎頂級牛肉丼🐂🍚牛肉幾大片, 肉質軟腍, 上面淋左濃郁惹味嘅醬汁, 甜甜地好好餸飯