影片
更多
2008-05-19
21 瀏覽
知道這裡多人就先訂位，但電話打了好幾次都無人聽。最後響到自動cut線前終於有人聽。訂八位七時。到達時只是六點二十分，見到我個名字的訂座牌還未上台，剛好見到有海景位吉了出來，就溜了進去~~ 話說是吃海鮮，其實大家又不算大熱衷，故海鮮只點了聖子一斤，佢話一隻一兩(豉椒炒)，蒜溶蒸線貝八隻(廿五蚊隻!!)，彩虹秘制蝦一斤。聖子和線貝都幾好味~ 新鮮，蝦就唔得，並非因為蝦唔新鮮，而係個醬汁唔match.. 佢聲稱蜜糖加黑椒汁煮，不過.... 好怪，早知白焯算了。揀海鮮時一定要好小心選擇，除了新鮮與否，預算份量都好重要，落單既人一定會用盡方法另你買得有多無少，玩弄數字遊戲。一於少理，計人頭叫就最好，例如蝦可以一開二，大隻既一開三，隻數可以買少一點。買聖子時，問佢一斤有幾多，竟然答你一斤60蚊，你識唔識廣東話架？佢話八個人食要兩斤先夠，咕嚕肉又話食大才夠吃，聽佢講就死，聖子一斤都十幾隻啦，咕嚕肉細既都唔少，仲要不停sell賴尿蝦，大的$150，小的$50，不過我地只想要普遍蝦囉!! 千祈千祈唔好信佢，又無禮貌又講大話又串咀，叫得少又要黑面。小菜還叫了紅燒豆腐，蝦醬通菜，芝士焗伊面(好味)，椒鹽鮮尤
話說是吃海鮮，其實大家又不算大熱衷，故海鮮只點了聖子一斤，佢話一隻一兩(豉椒炒)，蒜溶蒸線貝八隻(廿五蚊隻!!)，彩虹秘制蝦一斤。聖子和線貝都幾好味~ 新鮮，蝦就唔得，並非因為蝦唔新鮮，而係個醬汁唔match.. 佢聲稱蜜糖加黑椒汁煮，不過.... 好怪，早知白焯算了。
揀海鮮時一定要好小心選擇，除了新鮮與否，預算份量都好重要，落單既人一定會用盡方法另你買得有多無少，玩弄數字遊戲。一於少理，計人頭叫就最好，例如蝦可以一開二，大隻既一開三，隻數可以買少一點。
買聖子時，問佢一斤有幾多，竟然答你一斤60蚊，你識唔識廣東話架？佢話八個人食要兩斤先夠，咕嚕肉又話食大才夠吃，聽佢講就死，聖子一斤都十幾隻啦，咕嚕肉細既都唔少，仲要不停sell賴尿蝦，大的$150，小的$50，不過我地只想要普遍蝦囉!! 千祈千祈唔好信佢，又無禮貌又講大話又串咀，叫得少又要黑面。
小菜還叫了紅燒豆腐，蝦醬通菜，芝士焗伊面(好味)，椒鹽鮮尤(好味不過好少)，蜜糖豆炒牛柳粒，腰果雞丁，小菜份量除了咕嚕肉外是偏少的，味道算是可以，沒有糖水只有果盤啦。
邊食天虹邊熄燈，以為咁浪漫，原來...好多飛蟻呀，頭又有，身又有，台又有，餸都有..... 好影響食慾呀....
賣單時落單果個阿叔居然問我做邊行，我地成台人突然間靜晒，好咢然 囉，又話你問得咁清楚係好架，好叻，乜乜七七咁。我相信佢唔抵得我地問得咁清潔扼我地唔到，sell唔到我地買貴野，所以條氣唔順囉。
天虹d人係溝通上都好有問題，我諗如果我地叫多d海鮮，就會被騙得愈嚴重，呢篇食評就變左"喊" 同埋寫佢地係黑店!!!!!
回程船票開飯時拎定最好，以免爆滿，今晚高興的就是坐那個船，十五分鐘已回到香港仔，好快，好爽。
張貼