四點金飯店 (已結業)

難得放假一天就去食個午餐，估唔到寶琳開咗一間潮州飯店，而且午市仲有點心孖寶優惠。所以就試一下。午市有套餐優惠，仲白飯配湯，好多選擇。最後我地叫咗過例牌滷水鵝，下面仲有滷水豆腐又滑又淋又入味，滷水鵝多肉吸收晒滷水汁食落香口，配飯一流。點心即叫即蒸粒粒都咁大粒，呢家有點心套餐40.8有2碟點心，蝦餃燒賣都有，燒賣內有大大粒蝦肉在內，上枱仲熱辣辣新鮮製作。不得不讚馬拉糕夠鬆軟，雖然不是很大件，味道不會太甜覺得還不錯。