湯•米 (已結業)

招牌臭臭鍋湯底帶住陣陣味，聞到都流口水。入面有臭豆腐，牛肉片，鴨血，滷大腸，台灣貢丸，娃娃菜等，另外再配上粉絲。一邊滾住一邊食，份量十足，味道都唔錯。重口味的我最愛臭豆腐，所以追加咗麻辣臭豆腐同鹽酥臭豆腐。3 款臭豆腐都有不同特色。臭臭鍋入面嘅臭豆腐，入口熱辣辣，帶有少少嘅臭味。麻辣每一舊豆腐都沾上辣汁，入口多咗一份惹味。鹽酥三款之中口感最豐富。外脆内嫩，椒鹽味道同臭味相當之夾。大滿足的一餐。