茶茶台式料理 (已結業)

成日聽朋友講話食臭臭鍋，好好奇究竟真係咁好食咩，但係個名好臭喎，咁究竟係臭定係香，今日終於的起心肝去食，一入到去我只係聞到成間鋪頭好香，原來佢哋唔係淨係食鍋物，仲有好多款台式料理俾你選擇，但係我梗係試返我個臭臭鍋啦，叫咗一個臭臭鍋，一個藥膳雞鍋，因為佢一個鍋係等於一個人嘅份量，所以唔怕會太大鍋，亦可以叫多幾款唔同味道嘅鍋同朋友一齊食，呢樣野做得幾好，因為可以試好多款唔同味道，一開始係個藥膳雞鍋嚟到先，聞到超級香藥膳味湯底，忍唔住係咁飲佢個湯，超正，真係落足材料佢調製，而佢啲雞肉都大大件，唔怕會唔飽，因為佢仲有其他配菜，例如豆腐，冬菇，娃娃菜，每個鍋都會有唔同嘅配菜去襯返，之後輪到主角出場，就係臭臭鍋，一嚟到真係好臭，完全係同臭豆腐嘅味道一樣，咁究竟係好食定唔好食呢？就見仁見智啦，因為有啲人都一定覺得臭豆腐好臭超級唔好食，但有啲人對臭豆腐超級喜愛，抗拒唔到，所以兩睇啦，對於我來講我就覺得還可以，因為始終同打邊爐其實冇乜分別，只係味道唔同咗，特別左。