影片
更多
2022-07-25
4011 瀏覽
餐廳：Mini Friday (觀塘)地址：觀塘興業街4號The Wave 3樓Mini Friday @minifridayhk 得一間分店嘅時候我已經食過，原來到依家已經唔經唔覺有三間分店，呢間主打西餐嘅Bar and Restaurant無論邊間分店空間感都好大，位置寬敞坐得好舒服😌，加上食物質素有品質保證，唔少人食過都會返轉頭，一大班朋友聚舊，坐低喺度幾粒鐘吹吓水飲杯嘢最適合不過🍸今次去咗觀塘The Wave呢間開咗大概4年嘅分店，同米走雞位於同一層，坐低無耐就送上免費嘅Nachos，食咗幾塊已經停唔到口，搞到我好肚餓🤣，好彩呢個時候就上咗晚餐附送嘅甘筍忌廉湯同田園沙律🥗，呢個沙律加咗鷹嘴豆同水果爆珠，仲有胡麻醬，爆珠喺口入面爆開再滲出陣陣果香真係好得意😆，亦令到成個沙律Fresh咗好多✝️原隻法式香草烤雞 $248即叫即烤嘅原隻烤雞，未食已經聞到好香濃嘅烤雞味🍗，以法式做法加上香草🌿，雞皮烤到金黃香脆，切開雞肉白滑鮮嫩，雞肉都幾多，食落仲喺好Juicy💦，食晒成隻都幾飽😝，仲有黑松露薯蓉同唔同嘅蔬菜伴碟，兩三個人share就啱啱好✝️大啡菇菠菜辣味茄汁扁意粉 $198叫咗呢個DI
地址：觀塘興業街4號The Wave 3樓
Mini Friday @minifridayhk 得一間分店嘅時候我已經食過，原來到依家已經唔經唔覺有三間分店，呢間主打西餐嘅Bar and Restaurant無論邊間分店空間感都好大，位置寬敞坐得好舒服😌，加上食物質素有品質保證，唔少人食過都會返轉頭，一大班朋友聚舊，坐低喺度幾粒鐘吹吓水飲杯嘢最適合不過🍸
今次去咗觀塘The Wave呢間開咗大概4年嘅分店，同米走雞位於同一層，
坐低無耐就送上免費嘅Nachos，
食咗幾塊已經停唔到口，搞到我好肚餓🤣，好彩呢個時候就上咗晚餐附送嘅甘筍忌廉湯同田園沙律🥗，
呢個沙律加咗鷹嘴豆同水果爆珠，仲有胡麻醬，爆珠喺口入面爆開再滲出陣陣果香真係好得意😆，亦令到成個沙律Fresh咗好多
✝️原隻法式香草烤雞 $248
即叫即烤嘅原隻烤雞，未食已經聞到好香濃嘅烤雞味🍗，
以法式做法加上香草🌿，雞皮烤到金黃香脆，
切開雞肉白滑鮮嫩，雞肉都幾多，食落仲喺好Juicy💦，食晒成隻都幾飽😝，
仲有黑松露薯蓉同唔同嘅蔬菜伴碟，兩三個人share就啱啱好
✝️大啡菇菠菜辣味茄汁扁意粉 $198
叫咗呢個DIY Pasta，可以自選汁、粉同配料一款，額外配料就要加$10。
揀咗個大啡菇菠菜辣味茄汁扁意粉，估唔到呢個辣味茄汁又真係幾香辣惹味🌶，辣中帶微酸令到成個扁意粉格外好食🍝，切片嘅大啡菇加埋菠菜、蘆筍等配菜，健康得嚟又幾match😋，扁意粉仲好彈牙添
跟餐送一杯飲品，另外加$1仲可以換購是日甜品，我緊喺唔會錯過啦😎，今日嘅甜品喺士多啤梨蛋糕🍓，細細舊幾的骰，有淡淡士多啤梨香，口感有啲似慕絲，仲加咗啲士多啤梨醬同有粒藍莓做裝飾🫐
張貼
