影片
更多
2018-11-06
75 瀏覽
有天經過灣仔修頓球埸, 一心唸住行落金鐘，行下行下行到灣仔尾見到新店 硏究一下門外餐牌，除了車仔麵外還有客飯供應。種類當然不及茶餐廳多，但比一般的車仔麵檔選擇較多，最開心有水吧提供咖啡奶茶，最憎無選擇只得汽水。 男友話好耐無食過車仔麵，今晚一於試下四爺的出品。店員態度唔錯，有禮 。以車仔麵店而言, 這裡地方相當寬敞，只有兩邊卡位，坐得好舒服，設計時尚。自己的麵自己點亦是車仔麵引人入勝之處， 先選湯底加麵 $24 最小選三餸 @$9 起, 細分汁料，滷水汁、咖哩汁、瑞士汁、柱侯、麻辣等配肉類為主。 餸方面選擇十分多， 小見的陳皮魚蛋、鮑魚菇、 豬仔腩、鮮淮山、連邊爐之寶 都有喎。 車仔麵套餐送熱飲一杯， 凍飲加$5 男友的大碗車仔麵湯底：傳統牛骨湯配粗麵$24餸： 清湯牛筋腩 $15 、咖哩豬皮$12、糖心蛋$12凍菜蜜 共$68因為醬汁不同所以餸和湯麵是分開上，防上醬汁太多令味道變得混淆。 這裡出品的湯底是自家用心烹調，牛骨湯清而濃郁，較重口味，和較有咬口粗麵幾襯。我們一致推薦瑞士汁糖心蛋，香甜入味, 雞蛋黃半流心，簡單又好味。 咖哩豬皮重點當然是咖哩汁，咖哩汁香而不辣，豬皮煮得入
硏究一下門外餐牌，除了車仔麵外還有客飯供應。種類當然不及茶餐廳多，但比一般的車仔麵檔選擇較多，最開心有水吧提供咖啡奶茶，最憎無選擇只得汽水。
男友話好耐無食過車仔麵，今晚一於試下四爺的出品。
店員態度唔錯，有禮 。
以車仔麵店而言, 這裡地方相當寬敞，只有兩邊卡位，坐得好舒服，設計時尚。自己的麵自己點亦是車仔麵引人入勝之處， 先選湯底加麵 $24
最小選三餸 @$9 起, 細分汁料，滷水汁、咖哩汁、瑞士汁、柱侯、麻辣等配肉類為主。
餸方面選擇十分多， 小見的陳皮魚蛋、鮑魚菇、 豬仔腩、鮮淮山、連邊爐之寶[響鈴] 都有喎。
車仔麵套餐送熱飲一杯， 凍飲加$5
男友的大碗車仔麵
湯底：傳統牛骨湯配粗麵$24餸： 清湯牛筋腩 $15 、咖哩豬皮$12、糖心蛋$12
凍菜蜜 共$68
因為醬汁不同所以餸和湯麵是分開上，防上醬汁太多令味道變得混淆。
這裡出品的湯底是自家用心烹調，牛骨湯清而濃郁，較重口味，和較有咬口粗麵幾襯。
我們一致推薦瑞士汁糖心蛋，香甜入味, 雞蛋黃半流心，簡單又好味。 
咖哩豬皮重點當然是咖哩汁，咖哩汁香而不辣，豬皮煮得入味好稔, 美中不足是不夠熱。清湯牛筋腩超重牛肉味，但騷味亦同樣很重，如果接受不到騷味又想食牛肉可以試下滷水汁應該會較易接受。
我的半素車仔麵
湯底: 金牌豬骨老火湯 配蕃茄麵 $24鮑魚菇$10 、手工白菜餃$10 、清甜蘿蔔$9
凍檸蜜 共 $58
金牌豬骨湯底好似自家煲的一樣，味道鮮甜而不油膩，看到湯底清晰無半點脂肪。
配上滑溜度滿分蕃茄麵，口感好似上海白麵，雖然無乜茄味，但口感原勝! 
清甜蘿蔔是我的首選，入口無渣,合時白蘿蔔果然是超清甜，好味。 
瑞士汁鮑魚菇， 口感爽脆, 瑞士汁又香又甜， 完全唔似食緊菇類。 手工白菜餃好抵食，三隻 $10 , 菜多肉小，可以一試。
凍飲味道較淡， 不過只加$5 抵飲。
張貼
