快船廊

營業中

休息中

快船廊自助餐重開啦😆重新裝修之後坐得更舒適✨30秒帶大家睇晒有咩食🔥海鮮區有帶子、麵包蟹、鮑魚、龍蝦、蟹鉗、長腳蟹、青口、凍蝦、螺同埋超肥美生蠔🦪生蠔完全冇限每次拎幾隻，而且refill得好快，絕對可以食個夠🙌🏼熟食區嘅款式唔算好多，但係全部都好食🥰尤其是海南雞飯、牛扒同羊架，牛扒超級大塊，連啲邊邊都好鮮嫩，加埋燒汁之後惹味非常！連配菜都好有誠意用上約克郡布丁。即整即叫嘅有芝士輪卡邦尼意粉，芝士味濃到好似成嚿芝士食緊咁😂另外麵食就有喇沙，湯底唔算超重口味，所以其他嘢都仲食得落🫡甜品有兩大張枱擺放，份量之多真係試唔晒咁多款😂其中我最鍾意嘅係榛子提拉米蘇、文華芝士蛋糕同埋雪糕!! 奶茶味同朱古力味都好好食🙂‍↕️