快船廊

營業中

休息中

有特別日子會大吃一餐,冇特別日子都會大吃一餐。 這晚來到快船廊，行過樓梯就到了餐廳。坐近攞食物的地方有一個好處，就係當有新的食物出的時候，你會好快就攞到，不過坐的位置唔舒服，因枱和取食物的地方的距離好接近，通道亦都比較窄。 相反遠離攞食物的地方，雖然唔方便，但係環境會覺得好寧靜好舒服， 亦都唔會覺得俾人冷落。裝修方面比較傳統舊式服務方面，好快就收走枱上的碟關於食物的評價大致上都係讚的海鮮方面，雖然有多款的海鮮，如龍蝦、鮑魚、 青口、蝦、蟹腳…不過唔係太新鮮， 龍蝦和蟹鉗的肉都比較實。 最失望的事很快就冇鮑魚了。蠔一般新鮮熱食裏面有啲驚喜， 炸雞炸得好脆，唔會油膩乾燒伊麵炒得不錯，麵質也不錯豬柳很鬆軟，辣蝦的蝦肉不會"鞋"蕃茄湯係用蕃茄蓉做的，味道很濃，配一塊麵包，正。烏雞湯味道鮮美， 瘦肉亦都唔係鞋的。海南雞的肉質很嫩，油飯的味道也很好。壽司魚生要食呀! 新鮮!!甜品方面，大多覺得好食， 到至今仍回味的是那件出名必食的文華芝士蛋糕， 每次一推出，好快就俾人攞曬。 還有一件係冇乜人提的合桃撻，合桃脆口，微甜，冇益味，最難得是連個撻皮都係脆呀!檸茶用茶葉沖,合格!送上的甜品味道較淡