影片
更多
2018-02-04
249 瀏覽
一如既往，公司喺鯉魚門一間中式海鮮餐廳搞年終聚餐。席間一位住喺附近嘅同事提起，鯉魚門有間新開嘅日本濱燒餐廳，開幕時搞咗個開幕典禮，佢都有去湊熱鬧，仲有師傅即場切藍鯨吞拿魚俾來賓享用。當晚散席後同事指向位於三家村碼頭嘅三家村水產，遠望過去見到餐廳門面嘅閃耀聖誕燈飾，仲有大大棵聖誕樹，好搶眼。之前都食過濱燒，但喺海邊咁有風味就未食過，當時就諗住一定要去感受吓。今日嚟到就冇聖誕樹喇，但門口已經掛咗個2018恭賀新禧嘅牌，餐廳入面亦掛咗好多大紅燈籠，十分應節。相信臨近農曆新年又會係另一番景象。餐廳嘅另一「景點」就係「水族館」，清澈嘅水缸入面係游水海鮮，其他較大件嘅就喺前面整齊排列。每種海鮮都明碼實價唔係隨口噏，喺鯉魚門應該算係難得。水缸周圍亦十分乾淨企理，唔會一地都係水。【香葱金槍魚腩卷$188】金槍魚腩口感綿密，極濃嘅魚味帶少少油脂，份量唔多但已足夠散發味道。卷物外面就灑咗啲芝麻，仲有上面有少少黑松露，味道更豐富。【岩手縣石蠔$48/隻】價錢同出面餐廳食嘅生蠔差不多，但大隻好多，仲有店員幫手燒蠔，抵食啦～燒到一分鐘左右，店員就細心咁起個邊緣位同柱位出嚟，否則一熟左就會黐住個殼。店員一絲不苟咁
今日嚟到就冇聖誕樹喇，但門口已經掛咗個2018恭賀新禧嘅牌，餐廳入面亦掛咗好多大紅燈籠，十分應節。相信臨近農曆新年又會係另一番景象。
餐廳嘅另一「景點」就係「水族館」，清澈嘅水缸入面係游水海鮮，其他較大件嘅就喺前面整齊排列。每種海鮮都明碼實價唔係隨口噏，喺鯉魚門應該算係難得。水缸周圍亦十分乾淨企理，唔會一地都係水。
【香葱金槍魚腩卷$188】金槍魚腩口感綿密，極濃嘅魚味帶少少油脂，份量唔多但已足夠散發味道。卷物外面就灑咗啲芝麻，仲有上面有少少黑松露，味道更豐富。
【岩手縣石蠔$48/隻】
價錢同出面餐廳食嘅生蠔差不多，但大隻好多，仲有店員幫手燒蠔，抵食啦～
燒到一分鐘左右，店員就細心咁起個邊緣位同柱位出嚟，否則一熟左就會黐住個殼。
店員一絲不苟咁將個蠔起肉，燒完掀開個蠔，真係完全冇黐殼㗎～
燒完嘅蠔仲係非常肥美水潤，篤落去有彈性架～最後個殼仲剩返燒蠔後嘅蠔水，我就當湯咁飲埋，好鮮甜。
【燒金時鯛$588】金時鯛俗名大眼鯛，眼大大，仲有個向上開嘅大口，望落係唔靚仔。金時鯛燒好後係成碟上，放喺隻仿竹編嘅盤上面，感覺更原始。另外有檸檬同醬油調味。
魚燒得火喉啱啱好，一掀開面頭魚肉，仲見到好juicy。魚肉肉質非常嫩滑，食落有燒過後嘅香口感兼魚味濃郁。我覺得唔需要點醬油，但唧少少檸檬汁就更加惹味。
公司聚餐年年都喺鯉魚門舉辦，因為鯉魚象徵吉祥，鯉魚門又有鯉躍龍門嘅意思，好好意頭。不過年年食中式烹煮嘅海鮮有啲悶，三家村水產有VIP房，下次聚餐要提議吓食濱燒，相信鍾意試新嘢嘅同事們一定會滿意。
張貼
