海皇粥店 (好運中心) (已結業)

今日(23-1-2016 Sat)開始步入8度嚴寒,咁凍,朝早梗係食粥暖身,原本想去美心,但美心是日靚粥係菜乾豬骨粥,正正係想今晚煲o既湯,於是唔食;經過759,冇粥食;又經過大家樂,有兩款粥,不過冇價錢,應該賣晒.唯有o黎海皇,o黎到唔算好多人,睇完,決定要$27.00o既皮蛋瘦肉粥同$10.00o既油炸鬼,排到近收銀,至見到有$22.00o既招牌銀針粉送冷/熱豆漿,好耐冇食過銀針粉喇,於是即轉呔要,咁就買o左招牌銀針粉,熱豆漿同油炸鬼,但買完等攞o野等o左好耐,要成7分鐘.招牌銀針粉係放湯,佢o地加o左豬肉碎,冬菇,菜脯,芫茜同少少蝦米.食落,唔係好熱,只係暖,銀針粉本身冇乜味亦唔太糊口,甚至有少少彈性;湯底味道濃,但鹹淡適中,而因羌芫茜比例多,所以芫茜味道較多.整體感覺舒服,不過份量唔多.而熱豆漿呢,原來係冇糖豆漿,須要自己加糖,加o左一包糖,覺得o岩o岩好,而裡面都有腐竹o既.最後到油炸鬼,打開睇,咦?!唔係油炸鬼,變o左牛脷酥o既?出唔出去換好呢?算啦,照食啦.件牛脷酥都幾大個,不過已經凍晒,食落,口感同味道都同平時食到o既一樣.食o左半條,另外半條不如拎返屋企試吓叮熱食.味