52
32
17
港鐵沙田站 A3 出口, 步行約7分鐘 繼續閱讀
所有分店 (18)
電話號碼
26924150
營業時間
今日營業
06:00 - 23:00
星期一至日
06:00 - 23:00
付款方式
AlipayHK 支付寶 現金 八達通
其他資料
支持減塑 詳細介紹
電話訂座
招牌菜
Q版油器 台式肉燥腸 生滾粥 照燒汁蘿蔔糕
食評 (124)
等級4 2019-07-05
301 瀏覽
出開沙田求其搵地方食飯,估唔到呢間海皇粥店仲喺度,話說當年我同同學喺度一齊睇報紙放榜,轉眼間已經1x年,即管來懷緬一下。呢間海皇相當大,有勁多位。自己排隊買票後就去櫃檯攞嘢食,店內有自助水機和自動筷子機,好方便。以前嘅海皇粥店就只有粥品售賣,但我留意到佢舊年開始越來越多新花款,有飯有小菜,連部隊鍋都有!呢個係我幾讚賞佢嘅管理層,肯作出改變來迎合市場需求。今日叫咗肉燥雞扒煎蛋飯($42 )配豆漿。肉燥份量多,煎蛋係生熟蛋,很喜歡。另外有番茄牛肉湯飯($38),啲蕃茄湯好濃郁,仲有好多舊蕃茄,牛肉都唔少而且唔算韌,湯飯好味。另外仲叫咗個「大富蠔粥餐」,係皮蛋肉丸廣島蠔嘅粥,可以揀配炒麵、米粉、油條或者鹹肉糭,我哋揀炒麵,炒麵都好大碟,炒得乾身又夠味。個粥嘅廣島蠔有3隻,好鮮味,連帶個粥都好味,肉丸彈牙。我諗其中佢能夠係度屹立多年既原因,就真係抵食夾大件,所以受到街坊支持,或者黎行完街既人,食番個快餐叉電都係不錯之選! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-13
257 瀏覽
好運呢間海皇粥店已經好多年, 一直都屹立不倒, 可以話係沙田市中心數一數二最抵食的食店~店內廚房一樣高透明度, 一眼睇曬成個廚房, 炸油條, 布拉腸粉, 粥, 全部即做~店內座位數量十分多, 人流亦好多, 好多人排隊四野食~依家海皇粥店唔止粥品/油條甘簡單, 仲有飯類及韓式部隊鍋!瘦肉艇仔粥 - 粥底十分綿, 亦好夠味, 條條殺肉仲有大量魷魚/花生/豬皮等等, 魷魚夠爽口, 豬皮吸曬粥底一齊食!牛脷酥 - 超大件, 又夠質, 唔係空心架! 外皮都炸得幾脆, 食完一件牛脷酥真係超飽!炸腸 - 又薄又滑的膠粉包住新鮮炸起的油炸鬼, 外軟內脆, 醬汁可以自己任加, 正呀!雞翼肉燥大碗飯 - 大量肉燥 + 2隻大雞翼, 肉燥比較多洋蔥, 味道都唔差, 雞翼好入味又大隻, 要食飽唔係難事!部隊鍋 - 即時煮的部隊鍋 - 麵底好好咬口, 夠曬辣夠曬刺激! 部隊鍋內有火腿, 腸仔, 芝士, 午餐肉!套餐仲有大大杯冰凍豆漿, 唔太甜多夠曬凍, 岩曬SUMMER!每人都係幾十蚊, 超抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-10
46 瀏覽
位於沙田好運中心商場三樓30C舖的海皇粥店,主打港式粥品。如果有胃口,可以試試海龍皇餐,當中包括海皇一品粥、鮮蝦腸、油條及一杯凍豆漿。鮮蝦腸質感滑溜,每碟有三大條,每條腸粉也有原粒蝦仁,蝦仁尺寸頗大。海皇一品粥的材料有蝦、雞絲、魚片、豬肉丸、蟹柳等,一品粥的味道頗為鮮甜,嚐到頗濃的魚味。如果喜愛吃海鮮、特別是魚片粥之人,應該會頗喜歡這碗粥。點了一客特碎牛粥,粥味道鹹鹹香香、牛肉份量相當充足,而且盛載粥的碗子十分巨大,盛得滿滿的。甜醬、芝麻醬和醬油是自由添加的,個人也相當喜歡炸兩。軟軟的腸粉包裹著脆脆的油條。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-02
52 瀏覽
近排食火鍋食到有點飽飽滯滯,今晚同左家人去到沙田好運中心商場(海皇粥店)食晚餐, 餐廳地方設計簡約舒服,店舖有位少少胖胖的女經理,服務態度好好,要招呼客人時又要喺廚房幫手,仲係咁好笑容,當然最重要就係價錢非常抵食。餐牌上有數十款美食款式,粥粉麵飯樣樣有齊。開放的廚房十分乾淨。食粥最緊要係個粥底夠滾同夠棉。大富蠔粥,名副其實,蠔肉鮮味鮮甜,又夠大隻。蝦腸粉,蝦肉爽甜,腸粉夠煙韌。豉汁蒸鯇魚,鯇魚係每日新鮮運來,魚肉非常新鮮,果然優質。糯米雞,材料有雞翼、冬菇等,味道不錯。紅豆沙夠熱,紅豆軟綿綿,不會太甜。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-24
48 瀏覽
我個人本身就唔太喜歡食粥,但就好鐘意食粥之外的配料,如炒麵、炒米粉、炸兩及油炸鬼,如果我要食粥的時侯一係病或好想食其他周邊配料而去食粥,本身我屋企附近都冇咩好食粥舖,想要食通常來到沙田海皇粥店食。我今日就只係叫左個炸兩,我諗都應該半年冇食過啦,因要減肥唔太敢食煎炸野。好食的炸兩係油炸鬼要新鮮炸好,重要炸兩要即叫即包先叫係好食,而呢間粥店做到我想要呢幾點要求,所以好合我心意,如果食到冧左的炸兩我真係會寧願唔食,食呢D煎炸野本身卡路里高,而在我呢期要減肥所以食咩都要計算吓先得。呢D就係呼吸都會肥的悲哀 繼續閱讀
(以上食評乃用戶個人意見 , 並不代表OpenRice之觀點。)