影片
更多
2018-10-19
186 瀏覽
好多人都覺得食omakase價錢貴得黎又食唔飽，但上次朋友帶我食完哩間隱世小店之後，今日我決定再encore同埋為大家介紹一下。門面以竹炭色為主，無特別將招牌放響門口，大家可以照住下面張相去搵餐廳位置。上次就叫左個刺身set，今次我就試新野，嗌左個壽司12貫都係$500咋。首先店員為我地上左前菜：黑松露溫泉蛋、蝦刺身仲有梅子麵。溫泉蛋一上枱已經充滿超級香濃既黑松露味，入口仲要超級滑！蝦刺身係將蝦肉整到好似蝦膠既感覺，有別於一般處理手法都幾特別下。而梅子麵用梅汁浸住，食落口每啖都好rich既梅味，好開胃啊！跟住落黎就係主角壽司12件，日本籍師父製作時好認真，等我影低師父認真工作既樣先，哈哈！每上一位壽司師傅都會用廣東話講個名架，好細心。。梭子魚面鋪滿左烏魚子，師傅用火槍將魚稍為燒左一下。左口魚入口即時感受到果種鮮味同埋甘香。深海池魚肉質細緻爽口，又帶啲油份，味道非常甜美。好食到唔記我左影相，哈哈。鯖魚上面有啲酸醋汁，帶出左魚既鮮味九洲石斑有豐厚既脂肪，上面鋪滿左紫菜醬，這款壽司令我最印象深刻！帆立貝上面灑左柚子胡椒，食落口係不一樣既清新感覺。拖羅外面果層燒熟左同埋內層既鮮味，加上生蔥芝麻
好多人都覺得食omakase價錢貴得黎又食唔飽，但上次朋友帶我食完哩間隱世小店之後，今日我決定再encore同埋為大家介紹一下。門面以竹炭色為主，無特別將招牌放響門口，大家可以照住下面張相去搵餐廳位置。
上次就叫左個刺身set，今次我就試新野，嗌左個壽司12貫都係$500咋。首先店員為我地上左前菜：黑松露溫泉蛋、蝦刺身仲有梅子麵。溫泉蛋一上枱已經充滿超級香濃既黑松露味，入口仲要超級滑！蝦刺身係將蝦肉整到好似蝦膠既感覺，有別於一般處理手法都幾特別下。而梅子麵用梅汁浸住，食落口每啖都好rich既梅味，好開胃啊！
跟住落黎就係主角壽司12件，日本籍師父製作時好認真，等我影低師父認真工作既樣先，哈哈！每上一位壽司師傅都會用廣東話講個名架，好細心。
。
梭子魚面鋪滿左烏魚子，師傅用火槍將魚稍為燒左一下。
左口魚入口即時感受到果種鮮味同埋甘香。
深海池魚肉質細緻爽口，又帶啲油份，味道非常甜美。好食到唔記我左影相，哈哈。
鯖魚上面有啲酸醋汁，帶出左魚既鮮味
九洲石斑有豐厚既脂肪，上面鋪滿左紫菜醬，這款壽司令我最印象深刻！
帆立貝上面灑左柚子胡椒，食落口係不一樣既清新感覺。
拖羅外面果層燒熟左同埋內層既鮮味，加上生蔥芝麻好好食。
石垣貝肉身厚實有口感，唔會太脆又唔會太軟，風味相當鮮甜。
三文魚籽入口即刻爆醬，味道非常濃，響口入面散發出鮮味。
秋刀魚細嚼之下，散發出魚香脂香，肉質超級綿軟。
赤身帶出濃郁吞拿魚味，口味清爽，油脂唔重。
海膽份量十足，有回甘既味道，諗返起都流晒口水。
最後仲為我地送上左麵豉湯，同埋芝麻味雪糕，Perfect！
張貼
