Subtle Island

營業中

休息中

朋友3月生日，疫情關係一直都未能同佢慶祝，而家適逢確診數字回落，就把握時間出黎同佢食生日飯，見網上推介呢間餐廳環境幾靚，就揀左係呢間。今次係朋友2022年第2次出街食飯，我地都好期待，但佢最終好失望...朋友叫左個軟殼蟹鹹蛋黃忌廉汁意粉同埋一杯髒髒朱古力，個意粉賣相好靚，佢食第一啖意粉都覺得好味，食到鹹蛋黃個味道，但個蟹真係唔多掂，愈食愈腥，朋友仲話之前食過元氣軟殼蟹手卷好好食，完全唔腥又香口，換言之連元氣都好食過呢度既軟殻蟹！朋友仲話啲殼咬唔爛，佢食食下都食唔到落去...個意粉唔計隻蟹，真心講其實好食，忌廉難免有d膩但可接受。杯朱古力就正正常常幾好飲，賣相都靚，但要重申一次，今次隻蟹作為主角真係令佢大失所望，唔知係佢唔好彩遇中呢隻蟹唔新鮮定點…😵😵‍💫我就食左個泡菜雞肉墨西哥卷，味道微辣唔算太鹹，配埋沙律酸酸地幾開胃，個卷烘得夠熱同脆，份量對女仔黎講都夠飽，對比朋友個意粉算係不過不失但冇乜驚喜嘅safe choice。呢類打咭餐廳開係地鐵站隔離嘅黃金位置，不出所料地勝價比唔太高，所以我地都未必會再幫襯，最後，當日我地發現水吧員工有一段時間拉低左口罩，希望佢地留意返。