鏞記酒家

營業中

休息中

操咗成個禮拜，星期五係我嘅Cheat Day，即刻約埋個friend，挑戰下鏞記啲邪惡燒味。首選當然係至尊炭燒肥燶叉，啲叉燒邊位燒到焦香，見到已經流晒口水。一啖咬落去，啲油脂喺口入面爆發，肉質又夠鬆軟，真係好耐冇食過咁高質嘅叉燒，嗰種滿足感，操多幾日都抵返。跟住再嚟個紅燒豆腐斑腩煲，夠晒鑊氣，啲斑腩又滑，豆腐索晒汁，好好食。為咗「平衡」返，我哋都叫咗個清炒郊外靚時蔬，補充返啲纖維。雖然成餐飯卡路里爆晒錶，但作為對自己辛苦操練嘅獎勵，絕對值得。啲燒味質素真係冇得彈，食完呢餐，又有動力再操過。