影片
更多
2021-03-26
2877 瀏覽
肥姑姐飲食推介 - 味苑 - 叉燒腸，蝦餃，燒賣1）環境衛生味苑酒樓設上下兩層，如果冇訂位就會被安排地下用膳，如果一般有訂位就會安排在一樓用膳。就如一般港式茶樓嘅格局乾淨企理，再加上一啲懷舊嘅裝飾元素同埋用上大公雞碗碟，俾人一種番返去60/70年代的老香港感覺。2）食物質數今日肥姑點選了三樣點心，分別係蝦餃燒賣及叉燒腸粉。先講下蝦餃，呢款蝦餃不算皮薄而帶蝦汁，味道亦偏淡。但勝在脹卜卜超多蝦，全無味精，而蝦餃皮亦好煙in 。如果100滿分，我比80分。再講下燒賣，呢個燒賣好好食😋，而燒賣正正係肥姑姐最鍾意嘅點心，呢個燒賣材料有冬菇蝦膠蟹籽肥瘦豬肉，一上枱熱辣辣，肥姑姐忍唔住都即時鯨吞左一粒。食完之後仲諗住再買多一籠燒賣比肥老竇嘆吓。100分滿分，我比100分。最後就係叉燒腸粉（味苑有叉燒，蝦及豬腸粉），因為今日已經點了兩樣蝦類點心，所以最後點左叉燒腸，味苑叉燒腸比一般酒樓略貴，因為每碟只有兩條腸粉，一般酒樓有三條。但勝在腸粉入邊嘅叉燒非常多又好好食，而叉燒不但好淋身而且仲7成瘦3成肥（完全唔係一般酒樓嘅賣剩或者隔夜叉燒）。另外值得一提嘅就係腸粉嘅豉油，唔知點解係有少少蒸魚豉油嘅味道，雖然
18 瀏覽
0 讚好
0 留言
燒賣
$37
11 瀏覽
0 讚好
0 留言
蝦餃
$37
11 瀏覽
0 讚好
0 留言
叉燒腸粉
$37
10 瀏覽
0 讚好
0 留言
肥姑姐飲食推介 - 味苑 - 叉燒腸，蝦餃，燒賣
1）環境衛生
味苑酒樓設上下兩層，如果冇訂位就會被安排地下用膳，如果一般有訂位就會安排在一樓用膳。
就如一般港式茶樓嘅格局乾淨企理，再加上一啲懷舊嘅裝飾元素同埋用上大公雞碗碟，俾人一種番返去60/70年代的老香港感覺。
2）食物質數
今日肥姑點選了三樣點心，分別係蝦餃燒賣及叉燒腸粉。
先講下蝦餃，呢款蝦餃不算皮薄而帶蝦汁，味道亦偏淡。但勝在脹卜卜超多蝦，全無味精，而蝦餃皮亦好煙in 。如果100滿分，我比80分。
再講下燒賣，呢個燒賣好好食😋，而燒賣正正係肥姑姐最鍾意嘅點心，呢個燒賣材料有冬菇蝦膠蟹籽肥瘦豬肉，一上枱熱辣辣，肥姑姐忍唔住都即時鯨吞左一粒。食完之後仲諗住再買多一籠燒賣比肥老竇嘆吓。100分滿分，我比100分。
最後就係叉燒腸粉（味苑有叉燒，蝦及豬腸粉），因為今日已經點了兩樣蝦類點心，所以最後點左叉燒腸，味苑叉燒腸比一般酒樓略貴，因為每碟只有兩條腸粉，一般酒樓有三條。但勝在腸粉入邊嘅叉燒非常多又好好食，而叉燒不但好淋身而且仲7成瘦3成肥（完全唔係一般酒樓嘅賣剩或者隔夜叉燒）。另外值得一提嘅就係腸粉嘅豉油，唔知點解係有少少蒸魚豉油嘅味道，雖然最初我覺得有啲怪，但當蒸魚豉油同叉燒腸粉遇上之後又好似好夾，所以最尾我都食晒成碟。
我下次會再去試一下甜嘅點心，真人實測完再同大家詳述。
題外話呢間酒樓嘅茶葉真係幾唔錯，今次所點嘅香片茶比我預期中好飲， 所以我一口氣飲咗好多杯。
以我記憶所及我真係冇乜點去過啲高級酒樓，唯一我去過茶葉比較靚嘅酒樓就係翠亨邨，我記得嗰度有馬騮搣同埋碧螺春飲。
3）價格
燒賣HK$37
蝦餃HK$37
叉燒腸粉HK$37
茶錢HK$8
（不設加一服務費，超讚👍）
4）再惠顧指數👉🏻
張貼
