肉骨皇 (已結業)

據聞大坑有好多隱世美食，但我從未踏足過，最主要原因係交通唔方便。母親節當日，特意帶阿媽嚟覓食，星馬菜唔係周圍有得食，好唔好食要試過先知，最好嘅就係食肆有得訂位。肉骨茶(細) $98⭐️⭐️馬來西亞肉骨茶，出名藥材味重，我亦响馬來西亞品嚐過，但濃郁味道真的接受不了，但肉骨皇嘅肉骨茶，我完全接受到，唔知係咪要迎合香港人口味呢？所以我認為自稱＂皇＂真的有點誇張，不過值得讚的是肉腍入味，份量不少亞羅螄蚶 $68⭐️⭐️⭐️其實螄蚶唔係人人接受得到，因為感覺味道有點兒腥腥地同血淋淋，但食落又有d似我至愛嘅赤貝，不過佢呢度半生熟嘅做法，完全同潮州打冷鋪做法一樣，所以無乜特別海南鷄飯 $98⭐️⭐️⭐️白飯似印度長米，粒粒分明有咬口，雞有去骨尚算滑同有雞味，而雞皮清得乾淨無肥又滑溜，令人愛不惜口，3款醬汁味道也不錯馬來麥皮蝦 $128⭐️⭐️麥皮蝦唔係周圍有得食，所以一試，但呢度嘅麥皮蝦唔太出色，首先蝦炸得唔夠香脆，其次無牛油香味，所以蝦只有自己本身蝦味，反而麥皮甜甜地似返個樣，一客得6隻中蝦唔算平三人共消費：$431