肉骨皇 (已結業)

女女好鍾意飲肉骨茶，今日lunch就同佢去咗大坑嘅肉骨皇食個午飯。餐廳嘅裝修以深色嘅木材為主，好有南洋風味，店內播放著懷舊嘅粵語國語金曲。本身想叫兩個午市套餐，但係驚囡囡食唔曬浪費， 所以叫咗一個無骨海南雞飯套餐，再散嗌一個細碗肉骨茶湯，另外再加個鮮蝦柚子沙律。肉骨茶湯先上桌，淨湯冇其他配料，味道香濃，十分滋補美味。無骨海南雞非常滑嫩，啖啖肉好正，白飯嘅份量都算多，成個金字塔，配一碗冬瓜湯。柚子沙律份量都幾多，不過柚子有點細粒，唔係好夠甜，可能吾係當造啦。下次好想再嚟試過大煲嘅肉骨茶❤️😋😋