肉骨皇 (已結業)

話說個朋友飲醉酒，宿醉係咁嘔，咁我就搵下大坑區有咩餐廳有湯，諗住買埋去探訪，就搵到肉骨皇啦。一個肉骨茶，一個花甲喇沙湯加滲滲(亦即係米粉溝油麵) 。肉骨茶香但不濃味，好像係藥材不夠濃或係肉不夠多去煲呢？配料有豆卜，菇菌，肉排和油炸鬼粒。湯底唔夠濃味，所以豆卜吸不出味來。肉排鬆化，唔會乾柴，不錯不錯，再點啲加咗蒜蓉嘅醬油膏就更美味。喇沙湯底就香濃得多了，好喝，配麵吃就吸哂湯了。花甲都有六大粒，粒粒都鮮甜。