野郎Stone (已結業)

全自助式販票機係門口，先買票，後入座，可以加錢轉套餐。紐西蘭羊架New Zealand lamb chops 羊肉本身營養豐富，高蛋白質，鐵質，加上紐西蘭的羊通常天然草飼, 所以肉味帶點清甜，肉質嘅脂肪含量適中，一般羊羶味不太重，算係健康之選。而且價錢親民，五支骨先 ＄168店舖雖細，只有四枱，但座位寬敞，坐得舒服。通風麻麻，走時會有少少油煙味。見到牛柳都算多人選擇，上板時一成熟，肉切得厚身，燒起上嚟都可以保持內裏肉嫩，整體肉的水準唔錯。醬料選擇算多，有黑椒、酸汁、豉油、海鹽、蒜蓉，可自行搭配。