105
12
2
港鐵尖沙咀/尖東站 B2 出口, 步行約4分鐘 繼續閱讀
所有分店 (3)
電話號碼
51142429
開飯介紹
自助燒牛肉專門店,客人可透過自助點餐機點餐。約有六款不同部位的牛肉選擇,是牛魔王之選。 繼續閱讀
營業時間
今日營業
12:00 - 15:30
17:30 - 22:00
星期一至日
12:00 - 15:30
17:30 - 22:00
付款方式
AlipayHK 支付寶 現金
其他資料
當面支付
食評 (128)
等級4 2019-10-19
2030 瀏覽
點餐要先係門口售票機落單俾錢。餐廳好細間,只得3張4人枱,1張2人枱。200g肩胛肉眼套餐($118)單點$88,加$30轉套餐包薯蓉,湯,沙律(前3款可無限添加)及汽水一罐。沙律好食,麵豉湯同薯蓉普通。至於牛,開頭半生熟既時候,好嫩,好有牛味,口感唔錯,好食。但因為我地判斷錯誤,煎得太耐,過熟,變得好韌。(個人口味S: 3.3/5)半生熟(個人口味S: 2.8/5)過熟400g牛柳($228)份量而言,300g配飯或400g牛柳就剛剛好。建議餐廳:如果叫400g,會唔會可以先上200g,之後再叫上200g,咁就唔使擔心時間過得太耐d牛因為過熟而變得韌,又或者提供多一隻碟放未預備食既牛?(個人口味E: 3.7/5)半生熟(個人口味E: 3.1/5)過熟本身覺得用餐體驗超麻麻,唔想再幫襯,因為:-上菜時無提示要盡快進食以免過熟-店鋪超細,甚至無位擺放隨身物品,只可以放地下(試過打開圓形桶凳,但入面已經放滿其他物品,乜唔係俾食客擺野既咩?)-音樂太大聲-食完全身好大陣油煙味(尼樣就預左)後來係OpenRice search”野朗stone”,原來係旺角同銅鑼灣有分店,旺角店環境寬敞d,又係open area(因為係超市入面),油煙味應該無咁勁。重點係會有進食指引,提示食客20-30秒就可以將紙移開,但點解尖沙咀店反而無?!侍應又無口頭提醒。所以,有機會我地會再嘗試一次旺角店,因為價錢合理,而d牛畢竟係好食既,如果唔係過熟既話。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-22
5 瀏覽
今日瞓晏咗,又無食野上堂,宜家勁肚餓!! 行經厚福街見到「野郎 stone」才知道在尖沙咀都有分店,店外的牛扒相片令我勾起上次食後感,抵食又好味, 所以驅使我決定再次幫襯。我在店外揀選好想要的食物,再用八達通先付款,然後步入店內等食,過程十分方便。今次我點了小食、主食,再加$30轉為套餐。日本煙燻豚肉腸ㄧ客有兩條,外皮脆卜卜,內層豚肉有淡淡的煙燻味,不錯!牛柳(200g)上檯時牛柳放在熱騰騰的火山石板上,發出滋滋聲響,高溫領到牛柳的表面封存,保留油脂和肉汁,店員還用張廚房紙巾覆蓋在牛柳上,好讓客人不會受到肉汁濺到和牛柳亦可受到平均的溫度來烹調,都果真細心。過了片刻我將紙巾揭開,見有幾片炸蒜和牛柳仍在煎著,已垂涎欲滴,馬上切開,見內層仍帶點紅,正合本人想食的熟度。我首先加了些岩鹽作調味,再嚐ㄧ口,食出牛柳肉質細緻,肉汁十分濃厚,真係十分美味! 再來我配了些生蒜和燒汁,味道再上ㄧ層樓。牛柳已外還加$30轉為套餐,有湯、沙律、薯蓉和汽水,領到整餐得到更圓滿的配搭。總括嚟講,我係十分享受,這店利用自我烹調的方式來呈現!事關每人的喜好都不同。藉著個人烹調和口味而享受到美食,真係好滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-21
7 瀏覽
今日放假出尖沙咀分公司探下啲舊同事,之後 乘機去食番個扒先返屋企。 一個人嘅時候,我最鍾意嚟依度食,好多牛嘅部位揀選,易有紐西蘭羊架,西班牙黑豚,而且質素唔差,价錢又唔貴。 今日揀左西冷扒200g价錢係138元好抵食!用張紙 冚住都感受到塊肉喺度叫!香氣四飄,好惹味!大大件,熱辣辣!塊石不停咁喺度煎,食到尾都唔韌!切開好嫩滑多肉汁,味道啱啱好!配埋碗白飯,食完好飽足!再埋杯冰凍日本啤酒,真係好滿足!店細細大享受!簡直就係我嘅天堂! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-19
12 瀏覽
這間餐廳bookmark左好耐,每次放工經過都見到有人在餐廳外排隊,今天難得早放工,見未有人排隊,於是跟友人決定一試。這裡點餐是在門外的點餐機,點好菜後,在門口位置把賬單給予店員便可。餐廳座位不多,只有大概4張枱左右,所以客人也是食完便走,不會逗留太耐。肩胛肉眼300g,餐廳會把牛排弄至一成熟,然後就到我們在石板上烹調到自己喜歡的生熟度。上枱時牛排會用廚房紙先蓋著牛排,可防止油濺出,十分貼心。肉眼帶有少許筋,牛肉味濃,肉質都幾鬆軟,肉汁都幾多。牛排已先用黑椒調味,而餐廳有不同醬汁可選擇,點上燒汁更能提升牛肉的鮮味。加$30可轉套餐,有沙律、湯和飲品。沙律是椰菜絲沙律,加入芝麻醬,十分開胃。而湯是面豉湯,飲品有幾款汽水可以揀。在尖沙咀用這麼便宜的價錢也能吃到優質的牛肉,實在抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-17
23 瀏覽
一向喜歡吃燒牛肉,今次來到尖沙咀一間日本🇯🇵風小店試試店子小小但很有格調,像到了日本的感覺店内有介紹牛的不同部分,店長也有親身來推介不同部分怎樣吃才好,非常專業朋友點了「牛橫隔膜」200g從來也沒有吃過,貪新鮮就試試。店長在上面加上一張紙,上枱後要等30秒後才可拎開張紙,原來這樣就可令熱力更平均。牛橫隔膜肉質有口感之餘又不會太韌,很夠淋,肉牛新鮮濃郁,一吃便知是高質素的牛肉我就點了「牛板腱」 200g這塊比較厚,一定要切一片片出來燒熟一些才吃,這過程體驗也滿有趣。比起橫隔膜,牛板腱比較有口感和韌少許,適合喜歡啖啖肉,肉厚而有口感的食家😋個人覺得300g才夠食,可能因為太好味😋總結牛肉質素高,是一家專業的燒牛肉店😋會再來 繼續閱讀
(以上食評乃用戶個人意見 , 並不代表OpenRice之觀點。)